Ախտանիշներ - Հիպերթիրեոզ

Թիրեոտոքսիկոզը երբեմն նման է առողջական այլ խնդիրների:

Դա կարող է դժվարացնել ախտորոշումը: Այն կարող է առաջացնել բազմաթիվ ախտանիշներ, այդ թվում՝

• առանց փորձելու նիհարում (քաշի կորուստ)
• արագացած սրտազարկ՝ մի վիճակ, որը կոչվում է տախիկարդիա
• անկանոն սրտազարկ, որը նաև կոչվում է առիթմիա
• սրտի բաբախյուն, որը երբեմն կոչվում է սրտխփոց
• ուժեղացած քաղց
• նյարդայնություն, անհանգստություն և դյուրագրգռություն
• տրեմոր, սովորաբար՝ ձեռքերի և մատների թույլ դող
• քրտնարտադրություն
• դաշտանային ցիկլի փոփոխություններ
• ջերմության նկատմամբ զգայունության բարձրացում
• աղիների դատարկման սովորույթի փոփոխություններ, մասնավորապես՝ հաճախացած գալարակծկանք և փորլուծություն
• տաքության նկատմամբ զգայունության բարձրացում (տաքության անտանելիություն)
• վահանաձև գեղձի մեծացում (խպիպ, զոբ), որը կարող է հայտնվել պարանոցի հիմքում որպես այտուցվածություն
• հոգնածություն
• մկանային թուլություն
• քնի խնդիրներ
• տաք, խոնավ մաշկ
• մաշկի հյուծում
• բարակ, կոտրտվող մազեր կամ մազաթափություն:

Մեծ տարիքով չափահասներն ավելի հավանական է, որ ունենան ախտանիշներ, որոնք դժվար է նկատել: Այս ախտանիշները կարող են ներառել՝ անկանոն սրտազարկ, նիհարում (քաշի կորուստ), դեպրեսիա և սովորական գործերի ընթացքում թուլության կամ հոգնածության զգացում:

Ե՞րբ դիմել բժշկին

Եթե դուք անբացատրելիորեն նիհարում եք կամ եթե նկատում եք արագացած սրտազարկ, արտասովոր քրտնարտադրություն, այտուց ձեր պարանոցի հիմքում կամ թիրեոտոքսիկոզի այլ ախտանիշեր, պայմանավորվեք և այցելեք ձեր բժշկին: Տեղեկացրեք նրան բոլոր այն ախտանիշների մասին, որոնք դուք նկատել եք, նույնիսկ եթե դրանք աննշան են:

Թիրեոտոքսիկոզի ախտորոշումից հետո մարդկանց մեծամասնության համար անհրաժեշտ է կանոնավոր հետևողական բուժայցելություններ՝ վիճակը վերահսկելու համար: