Հիպոթիրեոզ. ախտանիշներ

Հիպոթիրեոզ. ախտանիշներ

Հիպոթիրեոզի գանգատները և ախտանիշները տարբերվում են՝ կախված հորմոնային պակասի աստիճանից:

Հիպոթիրեոզի առաջացրած առողջական խնդիրները հակված են զարգանալու դանդաղորեն, հաճախ՝ տարիների ընթացքում:

Հիվանդության սկզբում դուք թերևս դժվարությամբ տարբերակեք հիպոթիրեոզի այնպիսի ախտանիշները, ինչպիսիք են թուլությունը և քաշի ավելացումը կամ այս նշանները կարող եք վերագրել տարիքին: Սակայն, երբ օրգանիզմի նյութափոխանակությունը շարունակվում է դանդաղել, դրսևորվում են ավելի ակնհայտ առողջական խնդիրներ:

Հիպոթիրեոզի ախտանիշները կարող են ներառել՝

Հիպոթիրեոզը նորածինների մոտ

Հիպոթիրեոզն առավել տարածված է միջին տարիքի և ավելի մեծ կանանց շրջանում, սակայն կարող է հանդիպել բոլոր տարիքային խմբերում, այդ թվում՝ նորածինների մոտ: Նորածինները կարող են ծնվել առանց վահանաձև գեղձի կամ ոչ պատշաճ գործող գեղձով, որը հաճախ դրսևորվում է սակավաթիվ կամ թեթև ախտանիշներով: Երբ նորածնի մոտ ի հայտ է գալիս հիպոթիրեոզ, ապա դուք կարող եք նշել հետևյալ նշանները՝

  • մաշկի և աչքերի սպիտակենու դեղնություն (դեղնուկ)
  • մարմնի ցածր ջերմաստիճան
  • մեծ և դուրս ցցված լեզու (մակրոգլոսիա)
  • դժվարաշնչություն
  • խռպոտ ձայնով լաց
  • պորտային ճողվածք
  • ատամների ծկթման ուշացում:

Եթե հիվանդությունը հարաճուն զարգանում է, կարող է ի հայտ գալ նորածնի կերակրման դժվարություն, որի հետևանքով՝ նորմալ աճի ու զարգացման շեղումներ: Նորածինների հիպոթիրեոզը նաև կարող է առաջացնել՝

  • փորկապություն
  • մկանային ցածր տոնուս
  • ավելցուկային քնկոտություն:

Եթե նորածինների հիպոթիրեոզը չի բուժվում, նույնիսկ թեթև ընթացքը կարող է բերել ծանր ֆիզիկական կամ մտավոր թերզարգացման:

Հիպոթիրեոզը երեխաների և դեռահասների շրջանում

Ընդհանուր առմամբ հիպոթիրեոզով երեխաները և դեռահասներն ունեն չափահասներին բնորոշ նույն գանգատները և ախտանիշները, սակայն կարող է ի հայտ գալ նաև՝

  • աճի հապաղում, որը կարող է բերել կարճահասակության
  • շլություն
  • հիմնական ատամների զարգացման դանդաղեցում
  • սեռահասնության դանդաղեցում
  • քնկոտություն
  • մտավոր զարգացման շեղումներ (մտավոր հետամնացություն):

Ե՞րբ դիմել բժշկին

Այցելեք ձեր բժշկին, եթե զգում եք անորոշ հոգնածություն կամ ունեք հիպոթիրեոզի ախտանիշներից որևէ մեկը, օրինակ՝ չոր մաշկ, գունատ և այտուցված դեմք, փորկապություն խռպոտած ձայն:

Եթե հիպոթիրեոզի կապակցությամբ ստանում եք հորմոնային բուժում, այցելեք ձեր բժշկին այնքան հաճախ, որքան խորհուրդ է տալիս նա: Բուժման սկզբում շատ կարևոր է գնահատել, որ ստանում եք նշանակված հորմոնային դեղամիջոցի ճիշտ դեղաչափ: Ժամանակի ընթացքում կարող է առաջանալ օգտագործվող դեղաչափի փոփոխման կարիք:

Հոդվածը վերանայվել է՝ 06-05-2021