Հիպոթիրեոզ

Հիպոթիրեոզ
Անգլերեն անվանումը՝ Hypothyroidism

Հիպոթիրեոզը վահանաձև գեղձի անբավարար գործունեությամբ բնորոշվող հիվանդություն է։

Ի՞նչ է վահանաձև գեղձը

Վահանաձև գեղձը փոքրիկ ներզատական (էնդոկրին) օրգան է, որը տեղակայված է պարանոցի վրա, կոկորդի հիմքի մոտ։ Վահանաձև գեղձի հորմոնները մասնակցում են օրգանիզմի նյութափոխանակության կարգավորմանը։ Այս հորմոնները կարևոր նշանակություն ունեն սրտի կծկումների, զարկերակային ճնշման, մարմնի ջերմաստիճանի և զանգվածի կարգավորման գործընթացներում։

Ի՞նչ է հիպոթիրեոզը

Հիպոթիրեոզի ժամանակ (հիպոթիրոիդիզմ) վահանաձև գեղձը չի կարողանում արտադրել բավարար քանակի հորմոններ։

Հիվանդության հիմնական պատճառը Հաշիմոտոյի հիվանդությունն է կամ թիրոիդիտը, որը աուտոիմուն հիվանդություն է և զարգանում է, երբ օրգանիզմի իմունային համակարգը սկսում է «գրոհել» սեփական վահանաձև գեղձի հյուսվածքները։

Հիպոթիրեոզի մյուս պատճառը վահանաձև գեղձի վիրահատական հեռացումն է, ճառագայթային բուժումը, լիթիում պարունակող դեղերի ընդունումը, սննդում յոդի պակասը և վահանաձև գեղձի գերակտիվության՝ թիրեոտոքսիկոզի դեմ իրականացվող «ագրեսիվ» չվերահսկվող բուժումը։

Ախտանիշները

Հիպոթիրեոզը կարող է երկար տարիներ ընթանալ առանց որևէ կլինիկական դրսևորման։ Երբ ախտանիշները հայտնվում են, դրանք կարող են լինել շատ բազմաբնույթ և ներառել հետևյալը՝

Այցելեք ձեր բժշկին, եթե ձեզ մոտ առկա է այս նշաններից որևէ մեկը։

Բժիշկը կզրուցի ձեզ հետ, կզննի ձեր պարանոցը՝ տեսնելու, թե արդյոք վահանաձև գեղձը մեծացա՞ծ է կամ արդյոք շոշափվո՞ւմ են մեծացած հանգույցներ։ Բժիշկը կանցկացնի նաև ձեր ընդհանուր առողջական վիճակի ստուգում (զարկերակային ճնշման չափում և այլն)։

Հիպոթիրեոզի ախտորոշման մեջ հսկայական նշանակություն ունի արյան մեջ վահանաձև գեղձի հորմոնների մակարդակների որոշումը։ Կարող են նշանակվել նաև վահանաձև գեղձի սոնոգրաֆիա և այլ հետազոտություններ։

Բուժում

Հիպոթիրեոզն ախտորոշվելուց հետո սովորաբար նշանակվում է վահանաձև գեղձի հորմոնների փոխարինող բուժում։ Խոսքն առաջին հերթին թիրօքսին հորմոնի սինթետիկ տարբերակի մասին է, որը պետք է ընդունվի ողջ կյանքի ընթացքում։

Հոդվածը վերանայվել է՝ 31-05-2019