Հիպոթիրեոզ

Հիպոթիրեոզը հիվանդություն է, որի ժամանակ ձեր վահանաձև գեղձը չի արտադրում մեծ նշանակություն ունեցող թիրեոիդ հորմոնների բավարար քանակներ։

Վահանաձև (թիրեոիդ) գեղձը փոքրիկ ներզատական (էնդոկրին) օրգան է, որը տեղակայված է պարանոցի վրա, կոկորդի հիմքի մոտ։ Վահանաձև գեղձն արտադրում է հորմոններ (կոչվում են թիրեոիդ հորմոններ), որոնք մասնակցում են օրգանիզմի նյութափոխանակության կարգավորմանը։ Մասնավորապես, թիրեոիդ հորմոններն անփոխարինելի նշանակություն ունեն սրտի կծկումների, արյան ճնշման, մարմնի ջերմաստիճանի և զանգվածի կարգավորման գործընթացներում։ Հիպոթիրեոզի ժամանակ այս խիստ կարևոր հորմոնների արտադրությունն ընկճվում կամ ընդհանրապես բացակայում է։

Վաղ շրջանում հիպոթիրեոզը կարող է ընթանալ առանց որևէ լուրջ կլինիկական դրսևորման։ Այնուամենայնիվ, տարիների ընթացքում չբուժված հիպոթիրեոզը կարող առաջացնել բազմաբնույթ առողջական խնդիրներ, օրինակ՝ գիրություն, հոդացավ, անպտղություն և սրտային հիվանդություն:

Հիվանդության հիմնական պատճառը Հաշիմոտոյի հիվանդությունն է կամ թիրոիդիտը: Հիպոթիրեոզի մյուս պատճառներից են վահանաձև գեղձի վիրահատական հեռացումը, սննդում յոդի պակասը և այլն:

Հիպոթիրեոզը ախտորոշվում է թիրեոիդ հորմոնների ճշգրիտ թեստով: Արհեստական թիրեոիդ հորմոններով բուժումը սովորաբար պարզ, անվտանգ և արդյունավետ է դառնում, երբ ձեր բժշկի հետ միասին գտնում եք ձեզ ամենահարմար դեղաչափը: Խոսքն առաջին հերթին վահանաձև գեղձի թիրոքսին հորմոնի սինթետիկ տարբերակի մասին է, որը պետք է ընդունվի ողջ կյանքի ընթացքում։

Հոդվածը վերանայվել է՝ 12-10-2021