Սկզբում երկաթ-դեֆիցիտային անեմիան կարող է այնքան թեթև լինել, որ աննկատ մնա:
Սակայն, երբ երկաթի պակասը դառնում է զգալի և երկաթ-դեֆիցիտային անեմիան վատթարանում է, գանգատներն ու ախտանիշները սաստկանում են:
Երկաթ-դեֆիցիտային անեմիայի գանգատները և նշանները կարող են ներառել հետևյալը՝
- ծայրահեղ հոգնածություն
- թուլություն
- գունատ մաշկ
- կրծքավանդակի ցավ (կրծքահեղձուկ), արագացած սրտազարկ (տախիկարդիա) կամ օդի պակասի (շունչը կտրվելու) զգացում ու հևոց
- գլխացավ, գլխապտույտ կամ ուշագնացության զգացում
- սառը ձեռքեր և ոտնաթաթեր
- լեզվի բորբոքում կամ ցավ (գլոսիտ)
- փխրուն եղունգներ (քրոնիկ անեմիայի ժամանակ)
- ոչ սննդային նյութերի, օրինակ՝ սառույցի, ցեխի կամ օսլայի նկատմամբ տարօրինակ հակումներ
- վատ ախորժակ, հատկապես երկաթի դեֆիցիտի անեմիա ունեցող նորածինների և երեխաների մոտ:
Ե՞րբ դիմել բժշկին
Եթե ձեզ մոտ կամ ձեր երեխայի մոտ զարգանում են գանգատներ և նշաններ, որոնք հուշում են երկաթ-դեֆիցիտային անեմիայի մասին, դիմեք ձեր բժշկին: Երկաթ-դեֆիցիտային անեմիան այնպիսի վիճակ չէ, որ կարողանաք ինքնուրույն ախտորոշել կամ բուժել: Ուստի, ախտորոշման համար դիմեք ձեր բժշկին, այլ ոչ թե ինքնուրույն երկաթի հավելումներ ընդունեք: Օրգանիզմը երկաթով ծանրաբեռնելը կարող է վտանգավոր լինել, քանի որ ավելորդ երկաթի կուտակումը կարող է վնասել ձեր լյարդը և առաջացնել այլ բարդություններ:
Հոդվածը հրապարակվել է՝ 13-04-2021
Վերջին վերանայում՝ 23-04-2024