Երկաթ-դեֆիցիտային անեմիա. ախտորոշում

1 րոպե

Երկաթ-դեֆիցիտային անեմիան ախտորոշելու համար ձեր բժիշկը նշանակել որոշ թեստեր:

• Արյան կարմիր բջիջների չափը և գույնը. երկաթ-դեֆիցիտային անեմիայի դեպքում կարմիր արյան բջիջները՝ էրիթրոցիտներն ավելի փոքր են և ավելի գունատ (հիպոքրոմ), քան նորմալները:
  
• Հեմատոկրիտ. սա ձեր արյան ծավալի այն տոկոսն է, որը կազմում են կարմիր արյան բջիջները: Նորմալ մակարդակները սովորաբար կազմում են 35,5-ից 44,9 տոկոս չափահաս կանանց համար և 38,3-ից 48,6 տոկոս չափահաս տղամարդկանց համար: Այս արժեքները կարող են փոխվել՝ կախված ձեր տարիքից:
  
• Ֆերիտին. այս սպիտակուցն օգնում է ձեր օրգանիզմում երկաթի պահեստավորմանը, իսկ ֆերիտինի ցածր մակարդակը սովորաբար ցույց է տալիս պահեստավորված երկաթի ցածր մակարդակը:

Լրացուցիչ ախտորոշիչ թեստեր

Եթե ձեր արյան թեստը ցույց է տալիս երկաթ-դեֆիցիտային անեմիա, ձեր բժիշկը կարող է նշանակել լրացուցիչ հետազոտություններ՝ բացահայտելու հիմքում ընկած պատճառը, ինչպիսիք են՝

• վերին մարսողական էնդոսկոպիա՝ ստամոքային և տասներկու մատնյա աղու արյունահոսությունների հայտնաբերման համար
• կոլոնոսկոպիա՝ հաստաղիքային արյունահոսությունների հայտնաբերման համար
• գերձայնային հետազոտություն (սոնոգրաֆիա)՝ խոռոչային ներքին արյունահոսությունների հայտնաբերման համար: