Գրադարան

Երկաթ-դեֆիցիտային անեմիա. կանխարգելում

Երկաթ-դեֆիցիտային անեմիա. կանխարգելում

Time Read 2 րոպե

Դուք կարող եք նվազեցնել երկաթ-դեֆիցիտային անեմիայի ռիսկը՝ ընտրելով երկաթով հարուստ մթերքներ:

Ընտրեք երկաթով հարուստ մթերքներ

Երկաթով հարուստ մթերքներից են՝

  • կարմիր միս, խոզի միս և թռչնամիս (կարմիր կոչվում է կաթնասունների միսը, որը հում վիճակում ունի կարմիր գույն)
  • ծովամթերք
  • լոբի
  • մուգ կանաչատերև բանջարեղեն, օրինակ՝ սպանախ, բրոկոլի և այն
  • չորացրած մրգեր, ինչպիսիք են չամիչը և ծիրանը
  • երկաթով հարստացված հացահատիկ, հաց և մակարոնեղեն
  • սիսեռ:

Ձեր օրգանիզմը մսից ավելի շատ երկաթ է ներծծում, քան այլ աղբյուրներից: Եթե որոշեք չուտել միս, ձեզ հարկավոր է մեծացնել երկաթով հարուստ բուսական ծագում ունեցող մթերքների ընդունումը, որ ներծծեք նույն քանակությամբ երկաթ, ինչ միս ուտող մարդը:

Իմացե՛ք ավելին երկաթով հարուստ սննդամթերքների մասին:

Ընտրեք վիտամին C պարունակող մթերքներ՝ երկաթի ներծծումը լավացնելու համար

Դուք կարող եք խթանել աղիներից երկաթի ներծծումը, եթե ձեր սննդակարգում ավելացնեք վիտամին C-ով հարուստ մթերքներ:

Դուք կարող եք ավելացնել ձեր օրգանիզմի կողմից երկաթի ներծծումը` խմելով ցիտրուսային հյութ կամ ուտելով այլ մթերքներ, որոնք հարուստ են վիտամին C-ով, միաժամանակ, երբ ուտում եք երկաթով հարուստ սնունդ: Ցիտրուսային հյութերի մեջ առկա վիտամին C-ն, ինչպես նարնջի հյութը, օգնում է ձեր օրգանիզմին ավելի լավ ներծծել սննդային երկաթը:

Վիտամին C-ն հայտնաբերվում է նաև հետևյալում՝

  • բրոկկոլի
  • գրեյպֆրուտ
  • կիվի
  • տերևավոր կանաչի
  • սեխեր
  • նարինջներ
  • բիբար (պղպեղ)
  • ելակ
  • մանդարիններ
  • լոլիկ:

Իմացե՛ք ավելին վիտամին C-ով հարուստ սննդամթերքների մասին:

Երկաթ-դեֆիցիտային անեմիայի կանխարգելումը նորածինների մոտ

Նորածինների մոտ երկաթ-դեֆիցիտային անեմիայի կանխարգելման համար ձեր երեխային առաջին տարվա ընթացքում կերակրեք կրծքի կաթով կամ երկաթով հարստացված կաթնախառնուրդով: Կովի կաթը երեխաների համար երկաթի լավ աղբյուր չէ և խորհուրդ չի տրվում օգտագործել մինչև 1 տարեկան երեխաներին: 6 ամսականից հետո սկսեք երեխային կերակրել երկաթով հարստացված ձավարեղենով կամ մաքուր մսով օրական առնվազն երկու անգամ՝ երկաթի ընդունումը խթանելու համար: Մեկ տարի անց, համոզվեք, որ երեխաները օրական 591 միլիլիտր (20 ունցիա) կաթից ավելի չեն խմում: Շատ կաթը հաճախ ստամոքսում գրավում է այլ մթերքների տեղը, այդ թվում՝ երկաթով հարուստ:

Հոդվածը տեղադրվել է՝ 13-04-2021 վերանայվել է՝ 07-11-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով