Ախտանիշներ - Կավասակի

Կավասակի հիվանդության ախտանշանները ներառում են 39° C (102,2 F) և ավելի բարձր ջերմություն հինգ և ավելի օր շարունակ, որը չի արձագանքում սովորական ջերմիջեցնողներին:

Տենդից բացի, երեխան ունի հետևյալ ախտանիշներից առնվազն չորսը՝

• ցան (էրիթեմա) իրանի կամ սեռական օրգանների շրջանում
• պարանոցային ավշային հանգույցնեի մեծացում (այտուցվածություն)
• խիստ կարմրած աչքեր (կոնյուկտիվիտ)՝ առանց խիտ արտադրության
• կարմրած, չորացած և ճաքճքած շրթունքներ և կրամրած, այտուցված լեզու
• ձեռքերի ափերի և ոտնաթաթերի ներբանների այտուցված, կարմրած մաշկ, որն ավելի ուշ թեփոտվում է:

Ախտանիշները կարող են միաժամանակ չդրսևորվել: Տեղեկացրեք ձեր երեխայի բժշկին, եթե ախտանիշներից մեկնումեկն անհետացել է:

Այլ ախտանիշներից են՝

• որովայնային ցավեր
• փորլուծություն
• անհանգստություն
• հոդացավ
• փսխում:

Որոշ երեխաներ հինգ կամ ավելի օր բարձր ջերմություն են ունենում, սակայն չորսից պակաս ախտանիշներ ունեն, որոնք անհրաժեշտ են Կավասակիի հիվանդության ախտորոշման համար: Սա կոչվում է անավարտ Կավասակի հիվանդություն: Անավարտ Կավասակի հիվանդությամբ երեխաները դեռևս գտնվում են սրտային զարկերակների վնասման ռիսկի տակ: Նրանք դեռ բուժման կարիք ունեն ախտանիշների ի հայտ գալուց հետո 10 օրվա ընթացքում:

Կավասակիի հիվանդությունը կարող է ընթանալ այնպիսի ախտանիշներով, ինչպիսին է երեխաների մոտ բազմահամակարգային բորբոքային համախտանիշը: Վերջինս զարգանում է COVID-19-ով հիվանդ երեխաների մոտ։

Ե՞րբ դիմել բժշկին

Եթե ձեր երեխան ունի բարձր ջերմություն, որը տևում է ավելի քան երեք օր, դիմեք նրա բժշկին: Կավասակի հիվանդության բուժումը ախտանիշների ի հայտ գալուց հետո 10 օրվա ընթացքում կարող է նվազեցնել սիրտը սնուցող զարկերակների տևական վնասվման հավանականությունը: