Բարդություններ - Կլեպտոմանիա

Չբուժվելու դեպքում կլեպտոմանիան կարող է հանգեցնել հուզական, ընտանեկան, աշխատանքային, իրավական և ֆինանսական ծանր խնդիրների:

Օրինակ, դուք գիտեք, որ գողանալը լավ բան չէ, բայց ձեզ անզոր եք զգում, որ դիմակայեք գողություն կատարելու սևեռուն մտքին: Արդյունքում, դուք կարող եք լցվել մեղքի, ամոթի, ինքնախարազանման և նվաստացման զգացումներով: Եվ դուք կարող եք ձերբակալվել գողության համար: Կյանքի մյուս ոլորտներում դուք կարող եք օրինապաշտ ապրելակերպ վարել, և մոլուցքի վերածված գողությունը ձեզ հանգեցնի շփոթվածության և հիասթափության:

Կլեպտոմանիայի այլ բարդությունները և դրա հետ կապված առողջական վիճակները կարող են ներառել հետևյալը՝

• հակումների (իմպուլսների) կառավարման այլ խանգարումներ, ինչպիսիք են սևեռուն խաղամոլությունը կամ գնումներ կատարելը
• ալկոհոլի կամ այլ հոգեներգործուն նյութերի չարաշահում
• անձնային խանգարումներ
• սնման խանգարումներ
• դեպրեսիա
• բիպոլյար խանգարում
• տագնապային խանգարումներ
• ինքնասպանության (սուիցիդային) մտքեր և վարքագծեր: