Գրադարան
Լարինգիտ․ պատճառներ
2 րոպե
Լարինգիտը սովորաբար պատճառվում է ժամանակավոր վիրուսային վարակով:
Սուր լարինգիտ
Լարինգիտի դեպքերի մեծ մասը ժամանակավոր են և բարելավվում են, երբ մեղմանում է կոկորդի գրգռում կամ բորբոքում առաջացնող պատճառը: Սուր լարինգիտի պատճառներից են՝
- վիրուսային վարակներ, որոնք նման են մրսածության վիրուսներին
- ձայնալարերի լարվածություն, որը պատճառվում է բղավելիս կամ ձայնալարերը գերօգտագործելիս
- ավելի հազվադեպ՝ բակտերիալ վարակներ:
Քրոնիկ լարինգիտ
Ավելի քան 3 շաբաթ շարունակվող լարինգիտը հայտնի է որպես քրոնիկ լարինգիտ: Լարինգիտի այս տեսակը սովորաբար պատճառվում է գրգռիչների տևական ազդեցությունից: Քրոնիկ լարինգիտը կարող է առաջացնել ձայնալարերի լարվածություն և վնասում կամ գերաճեր (պոլիպներ կամ հանգույցներ): Քրոնիկ լարինգիտի պատճառներից են՝
- գրգռիչների ներշնչում, օրինակ՝ քիմիական գոլորշիներ, ալերգեններ կամ ծուխ
- թթվային ռեֆլյուքս, որը նաև կոչվում է գաստրոէզոֆագեալ ռեֆլյուք հիվանդություն (ԳԷՌՀ)
- քրոնիկ սինուսիտ (հարքթային խոռոչների վարակ)
- ալկոհոլի չարաշահում
- ձայնի սովորույթային գերօգտագործում (օրինակ՝ երգիչների կամ սպորտային երկրպագուների մոտ)
- ծխախոտի օգտագործում:
Քրոնիկ լարինգիտի ավելի հազվադեպ հանդիպող պատճառներից են՝
- բակտերիալ կամ սնկային վարակներ
- որոշ մակաբուծային վարակներ:
Ձայնի քրոնիկ խռպոտության այլ պատճառներից են՝
- քաղցկեղ
- ձայնալարի կաթված, որը կարող է պատճառվել վիրահատությամբ նյարդի վնասումից, պարանոցի կամ կրծքավանդակի վնասվածքից, նյարդային խանգարումներից կամ այլ առողջական խնդիրներից
- ձայնալարերի ծռումներ:
Ռիսկի գործոններ
Լարինգիտի ռիսկի գործոններից են՝
- շնչառական վարակներ, օրինակ՝ մրսածություն, բրոնխիտ կամ սինուսիտ
- գրգռող նյութերի ազդեցություն, օրինակ՝ ծխախոտի ծուխ, ալկոհոլի չարաշահում, ստամոքսի թթու կամ աշխատանքային քիմիական նյութեր
- ձայնի գերօգտատործում, օրինակ՝ շատ խոսելը, բարձր խոսելը, բղավելը կամ երգելը:
Հոդվածը տեղադրվել է՝ 13-06-2021 վերանայվել է՝ 14-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
