Գրադարան
Լարինգիտ․ բուժում
1 րոպե
Սուր լարինգիտը հաճախ մոտ մեկ շաբաթվա ընթացքում ինքնուրույն բարելավվում է:
Ինքնօգնության միջոցները, օրինակ՝ ձայնային հանգիստը, առատ հեղուկներ խմելը և օդի խոնավացումը նույնպես կարող են օգնել ախտանիշների մեղմացմանը:
Քրոնիկ լարինգիտի բուժման նպատակը պատճառ հանդիսացած հիվանդության կամ խնդրի բուժումն է, օրինակ՝ այրոցք, ծխախոտի օգտագործում կամ ալկոհոլի չարաշահում։
Որոշ դեպքերում բժիշկը կարող է նշանակել դեղամիջոցներ:
- Հակաբիոտիկներ. լարինգիտի գրեթե բոլոր դեպքերում հակաբիոտիկն անարդյունավետ է, քանի որ հիվանդության պատճառը սովորաբար վիրուսն է: Սակայն, եթե ունեք բակտերիալ վարակ, բժիշկը կարող է խորհուրդ տալ որևէ հակաբիոտիկ:
- Կորտիկոստերոիդներ. երբեմն կորտիկոստերոիդները կարող են օգնել ձայնալարերի բորբոքման մեղմացմանը: Այնուամենայնիվ, այս բուժումը օգտագործվում է միայն այն դեպքերում, երբ անհրաժեշտ է արագորեն բուժել լարինգիտը, օրինակ, երբ մանկահասակ երեխայի լարինգիտը կապված է կրուպի հետ:
Բժիշկը նաև կարող է խորհուրդ տալ «ձայնային ռեժիմ» (կոկորդի լրիվ հանգիստ 5-7 օր, որի ընթացքում անհրաժեշտ է չխոսել կամ խոսել միայն շշուկով):
Որոշ դեպքերում կարող է առաջանալ վիրահատության անհրաժեշտություն (օրինակ՝ ռեֆլյուքսը վերացնող վիրահատություն):
Հոդվածը տեղադրվել է՝ 13-06-2021 վերանայվել է՝ 14-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
