Լարինգիտ (կոկորդաբորբ)

Լարինգիտը գերօգտագործման, գրգռման կամ վարակի պատճառով կոկորդի (լարինքս) բորբոքումն է:

Կոկորդի ներսում գտնվում են ձայնալարեր՝ լորձաթաղանթային զույգ ծալքեր, որոնք ծածկում են մկանը և աճառը: Նորմայում ձայնալարերը սլացիկ բացվում և փակվում են՝ իրենց շարժումներով և տատանումներով առաջացնելով ձայն:

Սակայն, լարինգիտի ժամանակ ձայնալարերը բորբոքվում և գրգռվում են: Սա առաջացնում է ձայնալարերի այտուց, որը բերում է ձայնի փոփոխության՝ խռպոտման, թուլացման կամ նույնիսկ կորստի:

Լարինգիտը կարող է լինել կարճատև (սուր) և երկարատև (քրոնիկ): Դրանց մեծ մասը պատճառվում է ժամանակավոր վիրուսային վարակով և ընթանում է թեթև: Ձայնի կայուն խռպոտացումը երբեմն կարող է ահազանգել ավելի լուրջ առողջական խնդրի մասին։

Հոդվածը վերանայվել է՝ 28-06-2021