Skip to main content

Ախտանիշներ - Կապարով թունավորում

Սկզբում կապարով թունավորումը դժվար է հայտնաբերել, և նույնիսկ այն մարդիկ, ովքեր առողջ են թվում, կարող են արյան մեջ կապարի բարձր մակարդակ ունենալ:

Գանգատներն ու ախտանիշները սովորաբար չեն դրսևորվում, քանի դեռ օրգանիզմում վտանգավոր քանակություններ չեն կուտակվել:

Կապարով թունավորումը երեխաների մոտ

Երեխաների մոտ կապարով թունավորման գանգատներն ու ախտանիշները ներառում են՝

  • զարգացման հետաձգում
  • ուսուցման դժվարություններ
  • դյուրագրգռություն
  • ախորժակի կորուստ
  • քաշի կորուստ
  • թուլություն և հոգնածություն
  • որովայնային ցավ
  • փսխում
  • փորկապություն
  • լսողության կորուստ
  • ցնցումներ
  • սնվելու համար ոչ պիտանի բաներ ուտելը, ինչպիսիք են չորացած ներկի շերտերը (պիկա):

Կապարով թունավորումը նորածինների մոտ

Մինչև ծնվելը կապարի ազդեցությանը ենթարկված նորածինները կարող են՝

  • ծնվել վաղաժամ
  • ունենալ ցածր քաշ
  • դանդաղ աճեն:

Կապարով թունավորումը չափահասների մոտ

Թեև կապարով թունավորման վտանգի տակ առաջին հերթին երեխաներն են, այս վիճակը վտանգավոր է նաև չափահասների համար: Չափահասների մոտ գանգատներն ու ախտանիշները կարող են ներառել՝

  • բարձր արյան ճնշում
  • հոդերի և մկանների ցավեր
  • հիշողության կամ կենտրոնացման հետ կապված դժվարություններ
  • գլխացավ
  • որովայնային ցավ
  • տրամադրության խանգարումներ
  • տղամարդկանց մոտ՝ սպերմատոզոիդների քանակի նվազում և ոչ նորմալ սպերմատոզոիդներ
  • հղի կանանց մոտ՝ վիժում, մեռելածնություն կամ վաղաժամ ծնունդ:

Ե՞րբ դիմել բժշկին

Առանց հետաձգելու դիմեք ձեր կամ ձեր երեխայի բժշկին, եթե ունեք կապարով թունավորված լինելու կասկած:

Հոդվածը հրապարակվել է՝ 30-05-2023
Վերջին վերանայում՝ 07-04-2024