Բուժում - Թունավորում կապարով

Կապարով թունավորման բուժման առաջին քայլը այս մետաղով աղտոտման աղբյուրի հեռացումն է:

Եթե չեք կարող կապարը հեռացնել ձեր միջավայրից, կարող եք նվազեցնել հավանականությունը, որ կապարը խնդիրներ կառաջացնի: Օրինակ, երբեմն ավելի լավ է մեկ ծածկել, քան հեռացնել կապար պարունակող հին ներկը:

Կապարի համեմատաբար ցածր մակարդակ ունեցող երեխաների և չափահասների համար միայն կապարի հետ շփումից խուսափելը կարող է բավարար լինել արյան մեջ կապարի մակարդակը նվազեցնելու համար:

Ծանր թունավորման բուժումը

Ավելի ծանր թունավորման դեպքերի ժամանակ ձեր բժիշկը կարող է խորհուրդ տալ հետևյալը:

• Խելատոթերապիա. այս բուժման ժամանակ բերանով տրվող դեղամիջոցը կապում է կապարը, որ այն օրգանիզմից հեռանա մեզով: Խելատոթերապիան կարող է առաջարկվել արյան մեջ կապարի 45 մկգ/դլ կամ ավելի բարձր մակարդակ ունեցող երեխաներին և այն չափահասներին, ովքեր ունեն արյան մեջ կապարի բարձր մակարդակ կամ կապարով թունավորման ախտանիշներ:
• EDTA խելատոթերապիա. եթե 45 մկգ/դլ-ից բարձր արյան կապարի մակարդակ ունեցող չափահասները և երեխաները չեն կարողանում հանդուրժել սովորական խելատոթերապիայի մեջ օգտագործվող դեղամիջոցը, բժիշկներն առավել հաճախ օգտագործում են կալցիումի դինատրիումի էթիլենդիամինետրաքացախաթթու (EDTA) կոչվող քիմիական նյութը: EDTA-ն տրվում է ներարկման միջոցով: