Ախտանիշներ - Լեյկոպլակիա

Լեյկոպլակիան սովորաբար առաջանում է լնդերի վրա, այտերի ներսային մեկերեսներին, բերանի ստորին մասում՝ լեզվի տակ և երբեմն՝ լեզվի վրա:

Այն սովորաբար ցավոտ չէ և կարող է որոշ ժամանակ աննկատ մնալ:

Լեյկոպլակիան կարող է լինել՝

• սպիտակ կամ մոխրագույն բծերի տեսքով, որոնք հնարավոր չէ մաքրել-հեռացնել
• անկանոն բնույթի կամ տափակ մակերևույթով
• հաստացած կամ պնդացած մակերեսով
• բարձրացված, կարմիր ախտահարումների հետ միասին (խայտաբղետ լեյկոպլակիա կամ էրիթրոպլակիա), որոնք ավելի հավանական է, որ վկայում են նախաքաղցկեղային փոփոխությունների մասին:

Մազակալած լեյկոպլակիա

Մազակալած լեյկոպլակիան առաջացնում է ոչ հստակ, սպիտակ բծեր, որոնք նման են ծալքերի կամ կատարների և սովորաբար ի հայտ է գալիս ձեր լեզվի կողքերին: Այն հաճախ շփոթում են բերանի խոռոչի կանդիդոզի (կաթնախտի) հետ՝ վարակ, որը դրսևորվում է քսուքանման սպիտակ բծերով, որոնք կարող են սրբելով հեռացվել: Այս վարակը ևս տարածված է թուլացած իմունային համակարգ ունեցող մարդկանց մոտ:

Ե՞րբ դիմել բժշկին

Լեյկոպլակիան սովորաբար անհանգստություն չի պատճառոում, սակայն երբեմն կարող է վկայել ավելի լուրջ ախտահարման մասին:

Այցելեք ձեր ատամնաբույժին կամ ընտանեկան բժշկին, եթե ունեք հետևյալ ախտանիշներից որևէ մեկը՝

• ձեր բերանում սպիտակ վահանակներ կամ խոցեր, որոնք երկու շաբաթվա ընթացքում ինքնուրույն չեն անհետանում
• ձեր բերանում անսովոր գոյացություններ կամ սպիտակավում, կարմրավուն կամ մուգ բծեր
• ձեր բերանի խոռոչի հյուսվածքներում կայուն փոփոխություններ
• կուլ տալիս ականջի ցավ
• ձեր ստորին ծնոտը բացելու ունակության հարաճուն նվազեցում: