Ըստ սահմանման, ձեզ մոտ կարող է ախտորոշվել թերակտիվ սեռական ցանկության խանգարում, եթե ձեզ մոտ հաճախ բացակայում են սեռական մտադրությունները կամ ցանկությունը, և այդ զգացմունքների բացակայությունն առաջացնում է անձնական անհանգստություն:
Անկախ նրանից՝ համապատասխանում եք այս բժշկական ախտորոշմանը, թե ոչ, ձեր բժիշկը կարող է փնտրել պատճառներ, թե ինչու ձեր սեռական ցանկությունն այնքան էլ բարձր չէ, որքան ցանկանում եք, և գտնել օգնության միջոցներ:
Բացի ձեր հիվանդության և սեռական պատմության վերաբերյալ հարցեր տալուց, ձեր բժիշկը կարող է նաև ձեռնարկել հետևյալ քայլերը:
- Կատարել գինեկոլոգիական քննություն (ներզննում). գինեկոլոգիական զննման ժամանակ ձեր բժիշկը կարող է ստուգել ֆիզիկական փոփոխությունների նշանները, որոնք նպաստում են սեռական ցանկության նվազմանը, ինչպիսիք են սեռական օրգանների հյուսվածքների հյուծումը, հեշտոցի չորությունը կամ ցավոտ շրջանները:
- Առաջարկել լաբորատոր թեստեր. ձեր բժիշկը կարող է նշանակել արյան անալիզներ հորմոնների մակարդակը ստուգելու և վահանաձև գեղձի, դիաբետի, բարձր խոլեստերինի և լյարդային խանգարումների համար:
- Ձեզ ուղեգրել այլ մասնագետի մոտ. մասնագիտացված խորհրդատուն կամ սեռական թերապևտը կարող է ավելի լավ գնահատել հուզական և փոխհարաբերությունների գործոնները, որոնք կարող են նպաստել ցածր սեռական ցանկության առաջացմանը:
Հոդվածը հրապարակվել է՝ 03-03-2023
Վերջին վերանայում՝ 23-04-2024