Համակարգային կարմիր գայլախտ. պատճառներ

Համակարգային կարմիր գայլախտ. պատճառներ

​Գայլախտը հիվանդություն է, որի ժամանակ իմունային համակարգը «գրոհում» և ախտահարում է սեփական առողջ բջիջները:

Այլ կերպ ասած, գայլախտի ժամանակ իմունային համակարգը գործարկում է իր այն մեխանիզմները, որոնք նորմալ ժամանակ պայքարում են որևէ վարակի դեմ:

Գայլախտը քրոնիկ աուտոիմուն հիվանդություն է, որը կարող է ախտահարել օրգանիզմի բազմաթիվ օրգաններ և համակարգեր: Իմունային համակարգի ախտաբանական գերակտիվությունը բերում է հյուսվածքների ախտահարման:

Դեռևս լիարժեք բացահայտված չէ, թե ինչու է օրգանիզմը սկսում արտադրել սեփական բջիջներն ախտահարող հակամարմիններ, սակայն կան որոշակի տվյալներ այն մասին, որ նման խանգարումը կարող է լինել ժառանգական, հորմոնային և միջավայրային գործոնների համակցված ազդեցության պատճառով:

Գայլախտի զարգացման նպաստող գործոններից են՝

  • արևի ճառագայթների (կամ այլ ուլտրամանուշակագույն ճառագայթների) ավելցուկային ազդեցություն
  • հորմոնային տեղաշարժեր (սովորաբար հիվանդանում են 15-45 տարեկան կանայք)
  • որոշ դեղամիջոցներ կամ քիմիական նյութեր
  • վարակներ
  • սննդակարգ
  • սթրես
  • հղիություն
  • ժառանգականություն:

Հոդվածը վերանայվել է՝ 18-05-2021