Գրադարան

Գայլախտ. պատճառներ

Գայլախտ. պատճառներ

Time Read 1 րոպե

Որպես աուտոիմուն հիվանդություն, համակարգային կարմիր գայլախտն առաջանում է, երբ ձեր իմունային համակարգը վնասնում է ձեր առողջ հյուսվածքները:

Հավանական է, որ գայլախտն առաջանում է ձեր գենետիկայի և ձեր արտաքին միջավայրի համակցությամբ:

Հնարավոր է, որ գայլախտի նկատմամբ ժառանգական նախատրամադրվածություն ունեցող մարդկանց մոտ հիվանդությունը կարող է զարգանալ, երբ նրանք շփվում են շրջակա միջավայրի որևէ բանի հետ, որը կարող է հրահրել գայլախտը: Շատ դեպքերում, սակայն, գայլախտի պատճառն անհայտ է: Որոշ հնարավոր հրահրիչներ (տրիգերներ) ներառում են հետևյալը:

  • Արևի ճառագայթներ. արևի ազդեցությունը կարող է առաջացնել գայլախտի մաշկի ախտահարումներ կամ զգայուն մարդկանց մոտ առաջացնել ներքին արձագանք:
  • Վարակներ. վարակ ունենալը կարող է դառնալ գայլախտի պատճառ կամ որոշ մարդկանց մոտ առաջացնել հիվանդության սրացում (ախտադարձ կամ ռեցիդիվ):
  • Դեղորայք. գայլախտը կարող է առաջանալ արյան ճնշման որոշ տեսակների կամ հակացնցումային դեղամիջոցների և հակաբիոտիկների հրահրմամբ: Մարդիկ, ովքեր ունեն դեղորայքային գայլախտ, սովորաբար լավանում են, երբ դադարեցնում են դեղորայքի ընդունումը: Հազվադեպ, ախտանիշները կարող են պահպանվել նույնիսկ դեղամիջոցի դադարեցումից հետո:

Ռիսկի գործոններ

Գործոնները, որոնք կարող են մեծացնել գայլախտի ռիսկը, ներառում են հետևյալը:

  • Սեռ. գայլախտն ավելի հաճախ հանդիպում է կանանց մոտ:
  • Տարիք. չնայած գայլախտը հանդիպում է բոլոր տարիքի մարդկանց վրա, այն առավել հաճախ ախտորոշվում է 15-ից 45 տարեկանում:
  • Ռասա. գայլախտն ավելի տարածված է աֆրոամերիկացիների, իսպանախոսների և ասիացի ամերիկացիների մոտ:

Հոդվածը տեղադրվել է՝ 27-05-2018 վերանայվել է՝ 30-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով