Ախտանիշներ - Գայլախտ (Լուպուս)

Համակարգային կարմիր գայլախտի երկու տարբեր դեպքեր լիովին նման չեն միմյանց:

Ավելին, նույն մարդը տարբեր ժամանակներ կարող է ունենալ տարբեր գանգատներ և այլ նշաններ:

Գանգատներն ու ախտանիշները կարող են առաջանալ հանկարծակի կամ զարգանալ դանդաղորեն, կարող են լինել թեթև կամ ծանր և ժամանակավոր կամ մշտական: Գայլախտով հիվանդ մարդկանց մեծամասնությունն ունի թեթև հիվանդություն, որը բնութագրվում է դրվագներով, որոնք կոչվում են բռնկումներ, երբ նշաններն ու ախտանշանները որոշ ժամանակ վատանում են (ախտադարձ կամ ռեցեսիվ), այնուհետև բարելավվում կամ նույնիսկ ամբողջությամբ անհետանում են որոշ ժամանակով (ախտադադար կամ ռեմիսիա):

Ձեր գայլախտի գանգատներն ու ախտանիշները կախված կլինեն նրանից, թե որ ձեր օրգանիզմի համակարգերն են տուժել: Ամենատարածված նշաններն ու ախտանիշները ներառում են՝

• հոգնածություն
• ջերմություն
• հոդերի ցավ, կարկամություն և այտուցվածություն
• թիթեռի ձևով էրիթեմատոզ ցան դեմքին, որը ծածկում է այտերը և քթի մեջքը կամ ցան մարմնի այլ մասերում
• մաշկային ախտահարումներ, որոնք ի հայտ են գալիս կամ վատանում արևի ազդեցության հետ (լուսազգայունություն)
• ձեռքի և ոտքի մատներ, որոնք սպիտակ կամ կապույտ են դառնում, երբ ենթարկվում են ցրտի կամ սթրեսի ազդեցությանը
• շնչարգելություն
• կրծքավանդակի ցավ
• չոր աչքեր
• գլխացավեր, շփոթվածություն և հիշողության կորուստ:

Ե՞րբ դիմել բժշկին

Այցելեք ձեր բժշկին, եթե ձեզ մոտ առաջանում է անբացատրելի ցան, շարունակական ջերմություն, մշտական ցավ կամ հոգնածություն: