Մենինգիոմա. պատճառներ

Բժիշկներին դեռևս պարզ չէ, թե ինչ պատճառով է առաջանում մենինգիոման:

Սակայն հայտնի է, որ մենինգիոմայի զարգացման հիմքում կարող են ընկած լինել տարբեր պատճառներ, որոնք խթանում են ուղեղաթաղանթի բջիջների անկառավարելի աճն ու բազմացումը, որն էլ բերում է ուռուցքի առաջացման:

Անկախ այն հանգամանքից, թե նորմալ բջիջների վերածվելն ուռուցքայինի արդյոք ժառանգվող գենային ծագում ունի, թե՞ պատճառն իգական հորմոններն են կամ անցյալում ճառագայթային ազդեցությանը ենթարկվելը, այնուամենայնիվ, բազմաթիվ հարցեր դեռևս մնում են անպատասխան: Չնայած որոշ քննարկումներին, մենինգիոմայի առաջացման և բջջային հեռախոսների օգտագործման միջև որևէ հավաստի կապվածություն առ այսօր չի հայտնաբերվել:

Ռիսկի գործոններ

Մենինգիոմայի զարգացման ռիսկի գործոններից են՝

• գլխին ուղղված ճառագայթային բուժում
• իգական հորմոններ (մենինգիոմաներն ավելի հաճախ են հանդիպում կանանց մոտ)
• ժառանգված նյարդային համակարգի հիվանդություն (ըստ որոշ հետազոտությունների հազվադեպ հանդիպող նեյրոֆիբորմատոզ 2-ը բարձրացնում է մենինգիոմաների և ուղեղի այլ ուռուցքների ռիսկը)
• գիրություն, որն ըստ որոշ հետազոտությունների բարձրացնում է ոչ միայն մենինգիոմայի, այլև ուղեղի քաղցկեղի տարբեր տեսակների զարգացման հավանականությունը։