Ախտորոշում - Մենինգիոմա

Մենինգիոման դժվար է ախտորոշել, քանի որ ուռուցքը հաճախ դանդաղ է աճում:

Մենինգիոմայի ախտանիշները կարող են նաև լինել թույլ և սխալմամբ վերագրվել այլ առողջական վիճակներին կամ մեկնաբանվել որպես ծերացման նորմալ նշաններ:

Եթե ձեր բժիշկը կասկածում է մենինգիոմայի առկայության մասին, ձեզ կարող է ուղեգրել նյարդաբանական հիվանդությունների ոլորտում մասնագիտացած բժշկի՝ նյարդաբանի խորհրդատվության:

Մենինգիոմա ախտորոշելու համար նյարդաբանը կանցկացնի մանրակրկիտ նյարդաբանական քննություն, որին կհետևի գունանյութի (կոնտրաստի) օգտագործմամբ պատկերային հետազոտություն:

• Համակարգչային տոմոգրաֆիկ (ԿՏ) սքանավորում. ԿՏ սքանավորումները օգտագործում են ռենտգենյան ճառագայթներ, որոնք ստեղծում են ձեր գլխուղեղի ամբողջական պատկերի խաչաձև հատվող պատկերների շարք (շերտագրեր): Երբեմն օգտագործում են յոդի վրա հիմնված կոնտրաստային նյութ՝ պատկերն ավելի հեշտ գնահատելու համար։
• Մագնիսա-ռեզոնանսային տոմոգրաֆիա (ՄՌՏ). պատկերային այս հետազոտության ժամանակ օգտագործվում են մագնիսական դաշտ և ռադիոալիքները՝ ձեր գլխուղեղի կառուցվածքների խաչաձև հատված պատկերներ (շերտագրեր) ստեղծելու համար: ՄՌՏ սքանավորումն ապահովում է գլխուղեղի և մենինգիոմայի ավելի մանրակրկիտ պատկերների շարք:

Որոշ դեպքերում կարող է անհրաժեշտ լինել ուռուցքի նմուշի հետազոտություն (բիոպսիա)՝ բացառելու այլ տեսակի ուռուցքները և հաստատելու մենինգիոմայի ախտորոշումը: