Նկարագիր - Նեֆրոտիկ համախտանիշ

Նեֆրոտիկ համախտանիշը երիկամային խանգարում է, որի դեպքում ձեր օրգանիզմը չափազանց շատ սպիտակուցներ է կորցնում մեզի միջոցով:

Նեֆրոտիկ համախտանիշը սովորաբար առաջանում է երիկամների մանր արյան անոթային խրձերի՝ կծիկների վնասման հետևանքով, որոնք ձեր արյունից զտում են նյութափոխանակության թափոնային նյութերը և ավելորդ ջուրը: Վիճակն առաջացնում է այտուց, հատկապես ձեր աչքերի, ոտնաթաթերի և կոճերի շրջանում, և մեծացնում է առողջական այլ խնդիրների ռիսկը:

Նեֆրոտիկ համախտանիշի բուժումը ներառում է դրա պատճառած վիճակի բուժումը և որոշ դեղամիջոցներ ընդունելը: Նեֆրոտիկ համախտանիշը կարող է մեծացնել վարակների և արյան մակարդուկների (թրոմբի) ռիսկը: Ձեր բժիշկը կարող է խորհուրդ տալ դեղամիջոցներ և սննդակարգի փոփոխություններ՝ բարդությունները կանխելու համար: