Skip to main content

Պատճառներ - Նորովիրուս

Նորովիրուսը (նախկինում` Նորվոլկ վիրուս) այն վիրուսի անվանումն է, որը հարուցում է գաստրոէնտերիտով ընթացող նորովիրուսային վարակ:

Նորովիրուսները խիստ վարակիչ են։ Սա նշանակում է, որ նորովիրուսային վարակը հեշտությամբ կարող է փոխանցվել ուրիշներին: Վիրուսը տարածվում է կղանքով և փսխումով: Դուք կարող եք վիրուսը տարածել այն պահից, երբ առաջին անգամ ունեք հիվանդության ախտանիշներ մինչև ապաքինվելուց մի քանի օր հետո: Նորովիրուսները կարող են օրերով կամ շաբաթներով մնալ մակերեսների և առարկաների վրա:

Նորովիրուսային վարակ կարող եք ստանալ հետևյալ ճանապարհներով՝

  • ուտելով վարակված սնունդ
  • խմելով վարակված ջուր
  • ձեռքերով դիպչելովձեր բերանին այն բանից հետո, երբ ձեր ձեռքը շփվել է վարակված մակերեսի կամ առարկայի հետ
  • վարակված մակերեսների կամ առարկաների հետ շփվելուց հետո չլվացած
  • սերտ շփվելով նորովիրուսային վարակ ունեցող անձի հետ:

Նորովիրուսները դժվար է ոչնչացնել, քանի որ դրանք կարող են դիմակայել տաք և սառը ջերմաստիճաններին և բազմաթիվ ախտահանիչներին:

Ռիսկի գործոններ

Նորովիրուսով վարակվելու ռիսկի գործոնները ներառում են՝

  • սնվելն այնպիսի վայրերում, որտեղ սնունդը մշակել է նորովիրուսային վարակ ունեցող անձը կամ սննդամթերքը շփվել է վարակված ջրի կամ մակերեսների հետ
  • նախադպրոցական կամ երեխայի խնամքի կենտրոններ հաճախելը
  • սերտ շփումներ ենթադրող հաստատություններում ապրելը, օրինակ՝ խնամքի կենտրոններ, փակ հաստատություններ և այլն
  • հյուրանոցներում, հանգստյան տներում, զբոսաշրջային նավերում և մարդաշատ այլ վայրերում մնալը և ռեստորաններից օգտվելը
  • նորովիրուսային վարակ ունեցողի հետ շփվելը:

Հոդվածը հրապարակվել է՝ 16-05-2021
Վերջին վերանայում՝ 07-04-2024