Նորովիրուսային վարակը սկսվում է գաստրոէնտերիտին բնորոշ ախտանիշներվ:
Նորովիրուսային վարակի նշաններն ու ախտանիշները կարող են առաջանալ հանկարծակի և ներառել`
- սրտխառնոց
- փսխում
- ստամոքսի ցավ կամ կծկանքներ (սպազմ)
- ջրիկ կամ թուլացած փորլուծություն
- վատ ինքնազգացողություն
- ցածր աստիճանի ջերմություն
- մկանային ցավ։
Գանգատներն ու ախտանիշները սովորաբար սկսվում են նորովիրուսի հետ ձեր առաջին շփումից 12-48 ժամ հետո և տևում 1-3 օր: Վերականգնվելուց հետո մի քանի շաբաթ կարող եք շարունակել վիրուսի տարածումը կղանքի միջոցով: Սա կարող է տևել շաբաթներ կամ ամիսներ, եթե դուք ունեք մեկ այլ բժշկական խնդիր:
Նորովիրուսային վարակ ունեցող որոշ մարդիկ կարող են որևէ նշան կամ ախտանիշ ցույց տալ: Այնուամենայնիվ, նրանք դեռ վարակիչ են և կարող են վիրուսը փոխանցել այլ մարդկանց:
Ե՞րբ դիմել բժշկին
Դիմեք ձեր բժշկին, եթե դուք ունեք փորլուծություն, որը չի անհետանում մի քանի օրվա ընթացքում: Նաև զանգահարեք ձեր բժշկին, եթե ունեք սուր փսխումներ, արյունոտ կղանք, ստամոքսի ցավ կամ ջրազրկում:
Հոդվածը հրապարակվել է՝ 16-05-2021
Վերջին վերանայում՝ 07-04-2024