Սովորաբար, ձեր իմունային համակարգը աշխատում է դիմակայելու օրգանիզմ ներխուժած վնասակար օրգանիզմներին, ինչպիսիք են վիրուսները, բակտերիաները և սնկիկները՝ միաժամանակ պահպանելով հավասարակշռություն «լավ» և «վատ» միկրոբների միջև, որոնք սովորաբար բնակվում են ձեր մարմնում:
Սակայն, երբեմն այդ պաշտպանիչ մեխանիզմները ձախողվում են, ինչը մեծացնում է կանդիդա սնկիկների քանակը և թույլ է տալիս, որ բերանի խոռոչը վարակվի կանդիդոզով:
Կանդիդա սնկիկների ամենատարածված տեսակը Candida albicans-ն է: Մի քանի գործոններ, ինչպիսին է թուլացած իմունային համակարգը, կարող են մեծացնել բերանի խոռոչի կանդիդոզի ռիսկը:
Ռիսկի գործոններ
Դուք կարող եք ունենալ բերանի խոռոչի կանդիդոզային վարակի բարձր ռիսկ, եթե ունեք հետևյալ խնդիրներից որևէ մեկը:
- Թուլացած իմունիտետ. բերանի խոռոչի կանդիդոզն ավելի հավանական է, որ առաջանա նորածինների և մեծ տարիքով չափահասների մոտ՝ թուլացած իմունիտետի պատճառով: Որոշ առողջական վիճակներ և բուժումներ կարող են ճնշել ձեր իմունային համակարգը, ինչպիսիք են քաղցկեղը և դրա բուժումը, օրգանների փոխպատվաստումը և իմունային համակարգի ընկճում պահանջվող դեղերը և ՄԻԱՎ/ՁԻԱՀ-ը:
- Շաքարային դիաբետ. եթե դուք ունեք չբուժված դիաբետ կամ ձեր հիվանդությունը լավ վերահսկվող չէ, ձեր թուքը կարող է մեծ քանակությամբ շաքար պարունակել, ինչը խթանում է կանդիդայի աճը:
- Հեշտոցային խմորասնկիկային վարակներ. հեշտոցային խմորասնկիկային վարակները առաջանում են նույն սնկից, որն առաջացնում է բերանի խոռոչի կանդիդոզ: Դուք կարող եք ծննդաբերելիս ձեր վարակը փոխանցել ձեր երեխային:
- Դեղորայք. դեղամիջոցները, ինչպիսիք են Պրեդնիզոնը, ինհալացիոն կորտիկոստերոիդները կամ հակաբիոտիկները, որոնք խախտում են ձեր օրգանիզմում միկրոօրգանիզմների բնական հավասարակշռությունը, կարող են մեծացնել բերանի խոռոչի կանդիդոզի առաջացման ռիսկը:
- Բերանի խոռոչի այլ հիվանդություններ. ատամների պրոթեզների կրումը (հատկապես՝ վերին) կամ բերանի չորությամբ ուղեկցվող հիվանդությունները կարող են մեծացնել բերանի խոռոչի կանդիդոզի զարգացման ռիսկը:
Հոդվածը հրապարակվել է՝ 06-04-2021
Վերջին վերանայում՝ 23-04-2024