Ախտորոշում - Բերանային կանդիդոզ

Կաթնախտի ախտորոշումը կախված է ախտահարման շրջանից և հնարավոր պատճառի առկայությունից:

Եթե կաթնախտը սահմանափակվում է ձեր բերանով

Բերանի խոռոչի կանդիդոզն ախտորոշելու համար ձեր բժիշկը կամ ատամնաբույժը կարող է՝

• զննել ձեր բերանը, որ տեսնի ախտահարումները կամ փառը
• ախտահարման մակերեսից վերցնել փոքր քերուկ՝ մանրադիտակի տակ հետազոտելու համար
• անհրաժեշտության դեպքում կատարել ֆիզիկական քննություն (բուժզննում) և առաջարկել որոշ արյան թեստեր՝ հայտնաբերելու հիմքում ընկած ցանկացած հնարավոր առողջական խնդիրը, որը կարող է լինել բերանի խոռոչի կանդիդոզի պատճառ:

Եթե կաթնախտը ձեր կերակրափողում է

Ձեր կերակրափողային կանդիդոզն ախտորոշելու համար ձեր բժիշկը կարող է խորհուրդ տալ նշվածներից որևէ մեկը կամ բոլորը:

• Բիոպսիա. հյուսվածքային նմուշը մշակվում է հատուկ միջավայրի վրա (ցանքս), որն օգնում է որոշել, թե որ բակտերիաները կամ սնկիկներն են, եթե այդպիսիք կան, որ առաջացնում ձեր ախտանիշները:
• Էնդոսկոպիկ հետազոտություն. այս միջոցառման ընթացքում ձեր բժիշկն ուսումնասիրում է ձեր կերակրափողը, ստամոքսը և բարակ աղու վերին հատվածը (տասներկումատնյա աղի)՝ օգտագործելով լուսավորող ճկուն խողովակ, որի ծայրին տեսախցիկ է:
• Ֆիզիկական քննություն (բուժզննում). անհրաժեշտության դեպքում կարող են կատարվել բուժզննում և որոշակի արյան թեստեր՝ փորձելով բացահայտել ցանկացած հնարավոր հիվանդություն, որը կարող է կերակրափողում կաթնախտ առաջացնել: