Այս միջոցները կարող են օգնել նվազեցնելու կանդիդային վարակների զարգացման ռիսկը.
- Ողողեք ձեր բերանի խոռոչը. եթե ձեզ անհրաժեշտ է օգտագործել կորտիկոստերոիդային ինհալատոր, անպայման ողողեք ձեր բերանը ջրով կամ խոզանակեք ձեր ատամները դեղորայքն ընդունելուց հետո:
- Խոզանակեք ձեր ատամներն օրական առնվազն երկու անգամ և օգտագործեք ատամնաթելն ամեն օր կամ այնքան հաճախ, որքան խորհուրդ է տալիս ձեր ատամնաբույժը:
- Ստուգեք ձեր ատամի պրոթեզները. հանեք ձեր պրոթեզները գիշերը: Համոզվեք, որ պրոթեզները հարմար են նստում լնդերին և չեն առաջացնում գրգռում: Ամեն օր մաքրեք ձեր պրոթեզները: Հարցրեք ձեր ատամնաբույժին ձեր տեսակի պրոթեզը մաքրելու լավագույն միջոցը:
- Պարբերաբար այցելեք ձեր ատամնաբույժին, հատկապես, եթե ունեք շաքարային դիաբետ կամ կրում եք պրոթեզներ: Հարցրեք ձեր ատամնաբույժին, թե որքան հաճախ պետք է այցելեք նրան:
- Հետևեք, թե ինչ եք ուտում. փորձեք սահմանափակել շաքար պարունակող մթերքների քանակը: Դրանք կարող են խթանել կանդիդայի աճը:
- Պահպանեք արյան շաքարի լավ հսկողություն, եթե ունեք դիաբետ. լավ վերահսկվող արյան շաքարը կարող է նվազեցնել շաքարի քանակը ձեր թքում՝ խանգարելով կանդիդայի աճին:
- Բուժեք հեշտոցային խմորասնկիկային վարակը որքան հնարավոր է շուտ:
- Բուժեք բերանի չորությունը. հարցրեք ձեր բժշկին ձեր բերանի չորությունից խուսափելու կամ բուժելու եղանակների մասին:
Հոդվածը հրապարակվել է՝ 06-04-2021
Վերջին վերանայում՝ 05-05-2024