Որոշ պարզ քայլեր կարող են օգնել կառավարելու կամ կանխելու օրթոստատիկ հիպոտենզիան:
- Հագեք կոմպրեսիոն գուլպա. սա կարող է օգնել բարելավելու արյան հոսքը և նվազեցնել օրթոստատիկ հիպոտենզիայի ախտանիշները: Հագեք մինչև գոտկատեղ հասնող գուլպա օրվա ընթացքում, սակայն հանեք քնելիս և պառկած ժամանակ:
- Շատ հեղուկներ ստացեք. օրգանիզմում բավականաչափ ջրի պահպանումն օգնում է ցածր արյան ճնշման ախտանիշների կանխարգելմանը: Շատ ջուր խմեք երկար ժամանակ կանգնելուց կամ այնպիսի գործերից առաջ, որոնք կարող են ախտանիշներ առաջացնել:
- Խուսափեք ալկոհոլից. ալկոհոլը կարող է վատթարացնել օրթոստատիկ հիպոտենզիան, այնպես որ սահմանափակեք խմիչքները կամ ամբողջությամբ խուսափեք դրանցից:
- Սննդակարգում աղի ավելացում. սա պետք է արվի զգուշությամբ և միայն ձեր բժշկի հետ քննարկումից հետո: Չափից շատ կերակրի աղը կարող է հանգեցնել արյան ճնշման բարձրացման՝ ստեղծելով նոր առողջական վտանգներ:
- Կերեք փոքր կերակուրներ. եթե ուտելուց հետո արյան ճնշումը նվազում է, փոքր քանակով և քիչ ածխաջրերով թեթև խորտիկները կարող են օգնել:
- Մարզվեք. սրտանոթային և ամրապնդող կանոնավոր վարժանքները կարող են օգնել օրթոստատիկ հիպոտենզիայի ախտանիշների մեղմացմանը: Խուսափեք շատ շոգ, խոնավ եղանակին ֆիզիկապես ակտիվ լինելուց:
- Շարժվեք և ձգվեք որոշակի ձևերով. ձգեք և ծալեք սրունքի մկանները նստելուց առաջ: Ախտանիշների դեպքում սեղմեք ազդրերը և կծկեք ստամոքսի և հետույքի մկանները: Կծկվեք, շարժվեք տեղում կամ բարձրացեք ոտքի ծայրերի վրա:
- Դանդաղ վեր կացեք. դանդաղորեն կանգնեք պառկած դիրքից: Նաև, անկողնուց վեր կենալիս կանգնելուց առաջ մեկ րոպե նստեք մահճակալի եզրին:
- Բարձրացրեք մահճակալի գլուխը. մահճակալի գլուխը մի փոքր բարձրացրած քնելը կարող է օգնել, որ հակակշռեք ծանրության ուժի հետևանքները:
Հոդվածը հրապարակվել է՝ 16-05-2023
Վերջին վերանայում՝ 04-04-2024