Գրադարան

Օրթոստատիկ հիպոտենզիա. ախտանիշներ

Օրթոստատիկ հիպոտենզիա. ախտանիշներ

Time Read 1 րոպե

Օրթոստատիկ թերճնշման ամենատարածված ախտանիշը ուշագնացության զգացումն է (աչքերի դիմաց սևանալը) կամ գլխապտույտը՝ նստած կամ պառկած դիրքից կանգնելիս:

Ախտանիշները սովորաբար տևում են մի քանի րոպեից պակաս:

Օրթոստատիկ հիպոտենզիայի գանգատներն ու ախտանիշները ներառում են՝

  • կանգնելիս ուշագնացության զգացում կամ գլխապտույտ
  • մշուշոտ տեսողություն
  • հանկարծահաս թուլություն
  • ուշագնացություն (սինկոպե)
  • շփոթվածություն:

Այս ախտանիշները սովորաբար անհետանում են, երբ մի քանի րոպե նստում կամ պառկում եք:

Ե՞րբ դիմել բժշկին

Հազվադեպ առաջացող գլխապտույտը կամ ընկնելու զգացումը կարող են աննշան լինել: Դրանք սովորաբար առաջանում են թեթև ջրազրկումից, արյան շաքարի ցածր մակարդակից կամ գերտաքացումից: Գլխապտույտ կամ ընկնելու զգացում նաև կարող է առաջանալ երկար նստելուց հետո կանգնելիս: Եթե այս ախտանշանները լինում են միայն դեպքից դեպք, հավանաբար անհանգստանալու առիթ չկա:

Օրթոստատիկ հիպոտենզիայի հաճախակի ախտանիշների համար կարևոր է դիմել բժշկին: Նույնիսկ մի քանի վայրկյանով գիտակցությունը կորցնելն արդեն լուրջ վիճակ է, որը պահանջում է անմիջապես բժշկական օգնություն:

Գրի առեք ձեր ախտանիշները, թե երբ դրանք ի հայտ են եկել, որքան երկար են տևել և ինչ էիք անում այդ պահին: Տեղեկացրեք ձեր բժշկին, եթե ախտանշաններն ի հայտ են գալիս այնպիսի իրավիճակներում, որոնք կարող են վտանգավոր լինել, օրինակ՝ մեքենա վարելիս:

Հոդվածը տեղադրվել է՝ 16-05-2023 վերանայվել է՝ 16-05-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով