Ախտանիշներ - Օստեոմիելիտ

Օստեոմիելիտը ընթանում է մի շարք ոչ առանձնահատուկ ախտանիշներով կամ առանց գանգատների:

Օստեոմիելիտի ախտանիշները ներառում են՝

• բարձր ջերմություն
• վարակի շրջանի այտուց, տեղային տաքություն և կարմրություն
• վարակի շրջանի (ոսկրային) ցավ
• ընդհանուր անհարմարավետության զգացում (դիսկոմֆորտ) և հոգնածություն։

Երբեմն օստեոմիելիտը որևէ գանգատ և ախտանիշ չի առաջացնում կամ դրանք դժվար է տարբերակել այլ խնդիրներից: Օստեոմիելիտի ախտորոշումը դժվարանում է հատկապես նորածինների, մեծ տարիքով չափահասների և թուլացած իմունային համակարգով մարդկանց մոտ:

Ե՞րբ դիմել բժշկին

Այցելեք բժշկին, եթե ունեք վատթարացող ոսկրային ցավ և բարձր ջերմություն: Եթե որևէ հիվանդության, վերջերս տարած վիրահատության կամ վնասվածքի պատճառով ունեք վարակի բարձր ռիսկ, այցելեք բժշկին առանց հետաձգելու, եթե ունեք վերոնշյալ ախտանիշները: