Գրադարան

Ձվարանի կիստա. բուժում

Ձվարանի կիստա. բուժում

Time Read 1 րոպե

Բուժումը կախված է տարիքից, կիստայի տեսակից ու չափսերից, ինչպես նաև գանգատներից ու ախտանիշներից:

Բժիշկը կարող է առաջարկել ձվարանի կիստայի բուժման հետևյալ տարբերակներից մեկնումեկը:

  • Հսկողություն. բազմաթիվ դեպքերում բժիշկը կարող է առաջարկել, որ համբերեք և մի քանի ամիս անց կրկնակի հետազոտվեք՝ ստուգելու, թե արդյոք կիստան անհետացել է (ֆունկցիոնալ կիստաների մեծ մասն առանց որևէ բուժման ինքնուրույն անհետանում է)։ Անկախ տարիքից, բժիշկը կարող է բավարարվել հսկողությամբ, եթե գանգատներ չունեք և գերձայնային հետազոտությամբ (սոնոգրաֆիա) հայտնաբերվում է հասարակ, փոքր և հեղուկով լցված կիստա:
  • Դեղամիջոցներ. բժիշկը կարող է խորհուրդ տալ հորմոնային հակաբեղմնավորիչներ, օրինակ՝ հղիության վերահսկման հաբեր, որոնք կանխարգելում են ձվարանի կիստաների կրկնությունը: Այնուամենայնիվ, այս դեղամիջոցները չեն փոքրացնում առկա կիստայի չափերը:
  • Վիրահատություն. բժիշկը նաև կարող է առաջարկել վիրահատական բուժում՝ կիստայի հեռացում, եթե առկա է մեծ կիստա, որը նման չէ ֆունկցիոնալ տեսակին, դրսևորում է աճելու միտում, առաջացնում է ցավ կամ պահպանվում է 2-3 դաշտանային ցիկլերի ընթացքում: Որոշ կիստաներ կարող են հեռացվել՝ պահպանելով ձվարանը (ձվարանային ցիստէկտոմիա), իսկ այլ դեպքերում կարող է ավելի նպատակահարմար լինել, որ հեռացվի ախտահարված ձվարանը (օօֆորէկտոմիա)՝ պահպանելով մյուս ձվարանը: Երկու դեպքում էլ ապագայում հղիանալու հնարավորությունը պահպանվում է (քանի դեռ երկու ձվարաններն էլ չեն հեռացվել): Եթե կիստոզային գոյացությունը քաղցկեղային է, բժիշկը հավանաբար խորհուրդ կտա, որ այցելեք գինեկոլոգիական քաղցկեղի մասնագետին: Բժիշկը նաև հավանաբար խորհուրդ կտա հեռացնել կիստոզ ձվարանը, եթե վերջինս զարգացել է դաշտանադադարից հետո:

Հոդվածը տեղադրվել է՝ 15-07-2021 վերանայվել է՝ 07-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով