Բարդություններ - Գերակտիվ միզապարկ

Անմիզապահությունը, անկախ տեսակից, կարող է ազդել ձեր ընդհանուր կյանքի որակի վրա:

Եթե գերակտիվ միզապարկի ախտանիշները խանգարում են ձեր կյանքին, դուք նաև կարող եք ունենալ՝

• հուզական անհանգստություն կամ դեպրեսիա
• տագնապ
• քնի խանգարումներ և ընդհատված քնի ցիկլեր
• սեքսուալության հետ կապված խնդիրներ:

Որոշ դեպքերում, այս հարակից վիճակների բուժումը կարող է օգնել ձեր միզային ախտանիշների մեղմացմանը:

Կանայք, ովքեր ունեն գերակտիվ միզապարկ, նաև կարող են ունենալ մի խանգարում, որը կոչվում է խառը անմիզապահություն, երբ տեղ է գտնում ինչպես շտապ (ուրգենտ), այնպես էլ սթրեսային անմիզապահությունը: Սթրեսային անմիզապահությունը մեզի ակամա արտահոսքն է, որը պայմանավորված է ֆիզիկական շարժումներով կամ ակտիվությամբ, որոնք ճնշում են միզապարկը, ինչպիսիք են հազը, փռշտալը, ծիծաղը կամ մարզվելը: Սթրեսային անմիզապահության բուժումը, ամենայն հավանականությամբ, չի օգնի գերակտիվ միզապարկի ախտանիշներին: Նույն կերպ, գերակտիվ միզապարկի բուժումը, ամենայն հավանականությամբ, չի բարելավի սթրեսային անմիզապահության ախտանիշները:

Որոշ մարդիկ կարող են ունենալ միզապարկում մեզի պահեստավորման և միզապարկի դատարկման խնդիրների համադրություն: Միզապարկը կարող է առաջացնել շտապ միզելու կարիք և նույնիսկ անմիզապահություն, սակայն միզելիս լավ չդատարկվի: Մասնագետը կարող է օգնել ձեզ, եթե ունեք միզապարկի խնդիրների այսպիսի զուգակցում: