Հարդաշտանադադար. բարդություններ

Հարդաշտանադադար. բարդություններ

Անկանոն դաշտանները հարդաշտանադադարի կամ պերիմենոպաուզայի ամենաբնորոշ նշան է:

Ավելի հաճախ հարդաշտանադադարի սկիզբն «ազդարարող» անկանոն դաշտանները նորմալ երևույթ են: Սակայն, բժշկին հանդիպելու անհրաժեշտություն առաջանում է, եթե՝

  • դաշտանային արյունահոսությունը խիստ առատ է (օրինակ, փոխում եք տամպոնները կամ ներդիրներն ամեն ժամը մեկ)
  • արյունահոսությունը շարունակվում է 7 օրից ավելի
  • արյունահոսություն լինում է նաև միջդաշտանային շրջանում
  • դաշտանները կանոնավոր կերպով տեղի են ունենում ավելի հաճախակի, քան 21 օրը մեկ:

Վերոնշյալ ախտանիշները կարող են վկայել, որ ունեք վերարտադրողական համակարգի հետ կապված որևէ խնդիր, որը պահանջում է վաղ ախտորոշում և բուժում:

Հոդվածը վերանայվել է՝ 05-04-2021