Ինքնօգնություն - Պերիմենոպաուզա

Առողջ ապրելակերպի այս ընտրությունները կարող են օգնել թեթևացնել հարդաշտանադադարի որոշ ախտանիշերի մեմացմանը ​և նպաստել և ընդհանուր առողջական վիճակի բարելավմանը:

• Թեթևացրեք հեշտոցային անհարմարավետությունը. օգտագործեք առանց դեղատոմսի վաճառվող ջրի վրա հիմնված հեշտոցային քսանյութեր (Աստրոգլայդ, K-Y հեղուկ և այլն) կամ խոնավացնող միջոցներ (Ռեպլենս, Վագիսիլ պրոհիդրատ և այլն): Ընտրեք այնպիսի ապրանք, որը չի պարունակում գլիցերին, որը կարող է առաջացնել այրվածք կամ գրգռում, եթե դուք զգայուն եք այդ քիմիական նյութի նկատմամբ: Սեռական ակտիվ մնալն իր հերթին օգնում է հեշտոցային անհարմարավետության մեղմացմանը` մեծացնելով արյան հոսքը դեպի հեշտոց:
• Առողջ սնվեք. քանի որ այս փուլում մեծանում է օստեոպորոզի և սրտային հիվանդության ձեր ռիսկը, առողջ սննդակարգն ավելի կարևոր է, քան երբևէ: Անցեք ցածր յուղայնության, բջջանքով հարուստ սննդակարգին, որը հարուստ է մրգերով, բանջարեղենով և ամբողջական ձավարեղենով: Ավելացրեք կալցիումով հարուստ մթերքները։ Խուսափեք ալկոհոլից և կոֆեինից, եթե թվում է, թե դրանք ջերմահորդանքներ են առաջացնում: Հարցրեք ձեր բժշկին, արդյոք դուք պետք է նաև կալցիումի հավելումներ ընդունեք, և եթե այո, ապա ինչ տեսակի և ինչ չափով: Հարցրեք նաև, թե արդյոք ձեզ ավելի շատ վիտամին D է անհրաժեշտ, որն օգնում է ձեր օրգանիզմի կողմից կալցիումի յուրացմանը:
• Եղեք ակտիվ. կանոնավոր վարժանքներն ու ֆիզիկական ակտիվությունն օգնում են կանխելու քաշի ավելացումը, լավացնում են քունը և բարձրացնում տրամադրությունը: Փորձեք շաբաթվա օրերի մեծ մասը 30 րոպե կամ ավելի (ոչ անմիջապես քնելուց առաջ) զբաղվել ձեր նախընտրած ֆիզիկական վարժանքներով: Ապացուցված է, որ կանոնավոր վարժանքները տարեց կանանց մոտ նվազեցնում են ազդրի վզիկի կոտրվածքների ռիսկը և բարելավում ոսկորների խտությունը:
• Բավականաչափ քնեք. փորձեք հետևողականորեն պահպանել քնի ժամանակացույց: Խուսափեք կոֆեինից, որը կարող է դժվարացնել քնելը, և խուսափեք շատ ալկոհոլ օգտագործելուց, որը կարող է ընդհատել քունը:
• Կիրառեք սթրեսի նվազեցման միջոցներ. սթրեսի նվազեցման մեթոդների, ինչպիսիք են մեդիտացիան կամ յոգան, կանոնավոր կիրառելումը կարող է նպաստել թուլացմանը և լավ առողջությանը ողջ կյանքի ընթացքում, բայց դրանք կարող են հատկապես օգտակար լինել դաշտանադադարի անցման ժամանակ:

Այլընտրանքային բժշկություն

Ի լրումն դասական բուժումների, բազմաթիվ կանայք, ովքեր անցում են կատարում դեպի դաշտանադադար, ցանկանում են ավելին իմանալ ախտանիշների բուժման լրացուցիչ և այլընտրանքային մոտեցումների մասին: Հետազոտողներն ուսումնասիրում են այս թերապիաները՝ դրանց անվտանգությունն ու արդյունավետությունը որոշելու համար, սակայն ապացույցները դեռևս հաճախ բացակայում են:

Ահա տարբերակներից մի քանիսը:

• Սև կոհոշ (Black cohosh, Клопогон кистевидный). այս խոտաբույսի մզվածքն օգտագործվում է որոշ կանանց կողմից ջերմահորդանքների և դաշտանադադարի այլ ախտանիշների բուժման համար, թեև այդ մասին վկայող բավարար ապացույցներ չկան: Փորձագետները նաև վստահ չեն, թե ինչ վտանգ է ներկայացնում սև կոհոշը: Որոշ ուսումնասիրություններ ցույց են տվել, որ սև կոհոշը վնասակար է լյարդի համար, բայց այլ ուսումնասիրություններ չեն հայտնաբերել, որ դա ճիշտ է: Հետազոտողները նաև կասկածի տակ են դնում, թե արդյոք խոտի մզվածքն անվտանգ է կրծքագեղձի քաղցկեղով կամ դրա վտանգի տակ գտնվող կանանց համար:
• Ֆիտոէստրոգեններ. այս էստրոգենները բնականում հանդիպում են որոշ մթերքների մեջ: Ֆիտոէստրոգենների երկու հիմնական տեսակներն են իզոֆլավոնները և լիգնանները: Իզոֆլավոններ հանդիպում են սոյայի և այլ հատիկաընդեղենի և կարմիր երեքնուկի մեջ: Լիգնաններ հանդիպում են կտավատի, ամբողջական ձավարեղենի և որոշ մրգերի ու բանջարեղենի մեջ: Կան նաև բույսերից ստացված միացություններ, որոնք ունեն էստրոգենատիպ հատկություններ: Ֆիտոէստրոգենների վերաբերյալ ուսումնասիրությունները՝ լինի դա սննդից, թե հավելումներից, հակասում են այն հարցին, թե արդյոք դրանք օգնում են դաշտանադադարի ախտանիշների մեղմացմանը: Հետազոտությունները հակասում են նաև այն բանին, թե ֆիտոէստրոգենները, եթե այդպիսիք կան, կարող են բարելավել կրծքագեղձի քաղցկեղի ռիսկը:
• Կենսանույնական (բիոիդենտիկալ) հորմոններ. այս հորմոնները գալիս են բուսական աղբյուրներից: «Կենսանույնական» տերմինը ենթադրում է, որ մթերքներում առկա հորմոնները քիմիապես նման են ձեր օրգանիզմի արտադրած հորմոններին: Կան որոշ առևտրային հասանելի կենսանույնական հորմոններ, որոնք հաստատված են ԱՄՆ Սննդի և դեղերի վարչության կողմից (FDA), սակայն դրանց պատրաստուկները չեն կարգավորվում FDA-ի կողմից, ուստի որակն ու ռիսկերը կարող են տարբեր լինել: Չկան գիտական ապացույցներ, որ դաշտանադադարի ախտանիշների մեղմացման համար կենսանույնական հորմոնները ավելի լավ են ազդում, քան դասական հորմոնային բուժումը: Չկա նաև ապացույց, որ դրանք ավելի քիչ ռիսկային են, քան դասական հորմոնային բուժումը:
• Դեհիդրոէպիանդրոստերոն (DHEA). այս բնական ստերոիդը, որը արտադրվում է ձեր մակերիկամների կողմից, հասանելի է որպես սննդային հավելում և որոշ կանանց կողմից օգտագործվում է հեշտոցային ատրոֆիայի պատճառով սեռական հարաբերության ժամանակ ցավը նվազեցնելու համար: Սակայն դրա արդյունավետության մասին վկայությունները հակասական են, և կան որոշ մտահոգություններ հնարավոր վնասակար հետևանքների վերաբերյալ:

Նախքան հարդաշտանադադարի կամ դաշտանադադարի ախտանիշների համար բուսական կամ սննդային հավելումներ ընդունելը, զրուցեք ձեր բժշկի հետ: ԱՄՆ Սննդի և դեղերի գործակալությունը (FDA) չի կարգավորում բուսական արտադրանքները, և որոշները կարող են վտանգավոր լինել կամ փոխազդել ձեր ընդունած այլ դեղամիջոցների հետ՝ վտանգելով ձեր առողջությունը:

Ցածր ռիսկային օժանակող թերապիաները, որոնք կարող են օգնել սթրեսի նվազեցմանը և հոգեբանական բարեկեցության բարելավմանը, ներառում են՝

• ասեղնաբուժություն. ասեղնաբուժության օգնությամբ ջերմահորդանքները մեղմացնելու վերաբերյալ հետազոտություններն անորոշ են, բայց՝ խոստումնալից
• թուլանցման (ռելաքսացիայի) մեթոդներ. օրինակ, յոգան և մեդիտացիան կարող են օգնել սթրեսի մեղմացմանը, որն իր հերթին կարող է օգնել դաշտանադադարի ախտանիշների թեթևացմանը: