Նկարագիր - Պիլոնիդալ կիստա

Պոչուկային կիստան մաշկի անսովոր գրպանիկ է, որը սովորաբար պարունակում է մազերի և մաշկի մնացորդներ:

Կիստան գրեթե միշտ գտնվում է հետույքային ճեղքի (միջին գծի) վերին մասում՝ պոչուկի մոտ: Այն երբեմն կոչվում է էպիթելային պոչուկային ուղի կամ էպիթելային պոչուկային ուղիների բորբոքում:

Պոչուկային կիստաները սովորաբար առաջանում են, երբ մազերը ծակում են մաշկը, այնուհետև թափանցում մաշկի մեջ: Եթե կիստան վարակվում է, կարող է ուժեղ ցավեր պատճառել: Կիստան կարող է դատարկվել մաշկի փոքր կտրվածքի միջոցով: Երբեմն անհրաժեշտ է վիրահատություն:

Պոչուկային կիստաներն առավել հաճախ հանդիպում են երիտասարդ չափահաս տղամարդկանց մոտ, և խնդիրը հակված է կրկնվելու: Մարդիկ, ովքեր երկար ժամանակ անցկացնում են անընդհատ նստած վիճակում, ենթարկվում են պոչուկային կիստաների առաջացման ավելի բարձր ռիսկի (օրինակ՝ վարորդներ, համակարգչային մասնագետներ):