Նկարագիր - Հետքթային հոսք

​Հետքթային հոսքը կամ վերին շնչուղիների հազի համախտանիշն այն է, երբ սովորականից ավելի շատ լորձ է հավաքվում և հոսում ձեր կոկորդի հետևի մասում:

Սա այնպիսի հիվանդությունների տարածված ախտանիշ է, ինչպիսիք են մրսածությունը, հարքթային խոռոչների վարակը (սինուսիտ) և ալերգիան: Լորձի ավելցուկ կարող է առաջանալ քթային անցուղիների բորբոքման կամ այտուցի հետևանքով, որը կարող է պայմանավորված լինել մի շարք գործոններով, ինչպիսիք են վիրուսային կամ բակտերիալ վարակները, ալերգիաները կամ օդային գրգռիչները:

Դուք կարող եք զգալ, որ ձեր կոկորդի հետևի մասում թրթռոց ունեք: Հետքթային հոսքը կարող է անհանգստացնող վիճակ դառնալ՝ հանգեցնելով քրոնիկ հազի:

Ձեր քթի և կոկորդի գեղձերը անընդհատ լորձ են արտադրում՝ օրական մեկից երկու լիտր: Սա նորմալ է։ Լորձն ունի շատ կարևոր գործառույթներ, ինչպիսիք են՝

• խոնավացնում և մաքրում է քթի լորձաթաղանթը
• խոնավացնում է ձեր շնչած օդը
• պահում և մաքրում է այն, ինչ դուք ներշնչում եք
• գգնում է պայքարել վարակների դեմ։

Դուք սովորաբար անգիտակցաբար լորձ եք կուլ տալիս: Դուք դա չեք նկատում, քանի որ այն խառնվում է ձեր թքի հետ և անվնաս հոսում դեպի ձեր կոկորդը և դուք կուլ եք տալիս այն: Բայց երբ զգում եք, որ քո կոկորդում լորձ է կուտակվում կամ քթի հետևից հոսում է, դա դառնում է ավելի ակնհայտ: Սակայն, երբ ձեր օրգանիզմը սովորականից ավելի շատ լորձ է արտադրում կամ լորձը սովորականից ավելի թանձր է, ավելի նկատելի է դառնում, և դուք արդեն զգում եք, որ կոկորդում լորձ է կուտակվում կամ քթի հետևից հոսում է:

Ավելորդ լորձը կարող է դուրս գալ քթանցքներից. սա քթահոսություն է: Երբ լորձն անցնում է քթի ետևից մինչև կոկորդ, սա կոչվում է հետքթային հոսք: