Ինքնօգնություն - Պոստնազալ հոսք

Կան բազմաթիվ միջոցներ, որոնք դուք կարող եք անել տանը հետքթային հոսքը մեղմացնելու կամ վերացնելու համար​:

Ձեզ հավանաբար ավելի շատ հեղուկներ պահանջվեն՝ ձեր քթային արտադրությունը նոսրացնելու (ջրիկացնելու) համար: Տնային միջոցները կարող են ներառել հետևյալը՝

• ավելի շատ ջուր խմեք
• հրաժարվեք կոֆեինից
• հնարավորության դեպքում խուսափեք միզամուղներից
• տաք ցնցուղ ընդունեք:

Դուք կարող եք նաև փորձել լորձը նոսրացնող դեղամիջոց (էքսպեկտորանտ), ինչպիսին է Գուայֆենեզինը (Մուցինեքս): Ֆիզիոլոգիական լուծույթով քթի խոռոչի ոռոգումը (իռիգացիա) նույնպես թուլացնում է թանձրացած քթային արտադրուկները և պոկում-հեռացնում չորացած մնացուկները: Քթի աղի լուծույթները կարող են օգնել խոնավացնելու ձեր քթի խոռոչի լորձաթաղանթը և մեղմացնելու գրգռումը:

Ըստ տարբեր հաղորդումների, անվնաս, և միևնույն ժամանակ՝ արդյունավետ միջոց է տաք հավի ապուրը:

Ալերգիա ունենալիս լրացուցիչ օգուտ կարող են տալ այս միջոցները՝

• տաք ջրով հաճախակի լվացեք անկողնային սպիտակեղենը
• խուսափեք ձեզ հայտնի ալերգեններից, ինչպես նաև՝ փոշուց
• հաճախակի փոխեք ձեր սենյակների օդափոխության համակարգերի ֆիլտրերը՝ օգտագործելով մանրագույն մասնիկները զտող սարքեր
• հաճախակի փոշեծծեք սենյակները և խուսափեք գորգերից ու կարպետներից
• մի շփվեք կամ խիստ զգուշությամբ շփվեք տնային կենդանիների հետ, որոնց թեփը կարող է հանդես գալ որպես ալերգեն
• հնարավորինս խուսափեք խիստ ցուրտ կամ չոր եղանակներին դրսում մնալուց
• նույն կերպ, խուսափեք քամոտ եղանակներին դրսի գործերից, հակառակ դեպքում դրեք դիմակ: