Պրոկտիտը, որը չի բուժվում կամ չի արձագանքում բուժմանը, կարող է հանգեցնել բարդությունների:
- Սակավարյունություն (անեմիա). ուղիղաղիքային քրոնիկ արյունահոսությունը կարող է հանգեցնել երկաթ-դեֆիցիտային անեմիայի: Վերջինս բերում է թթվածին տեղափոխող արյան կարմիր բջիջների (էրիթրոցիտներ) քանակի կրճատման և արդյունքում ձեր հյուսվածքները չեն ստանում համարժեք թթվածին: Անեմիայի հետևանքով զարգացող հիպօքսիան բնորոշվում է ընդհանուր թուլությամբ, գլխապտույտով, օդի պակասի (շունչը կտրվելու) զգացումով, գլխացավով, մաշկի գունատությամբ և դյուրագրգռությամբ:
- Խոցեր. ուղիղ աղիքի քրոնիկ բորբոքումը կարող է լորձաթաղանթի վրա առաջացնել բաց վերքեր (խոցեր):
- Խուղակներ. երբեմն խոցերը խորանում և տարածվում են աղիքի պատի ողջ հաստությամբ՝ ձևավորելով խուղակ (ֆիստուլա): Այսպիսի ախտաբանական հաղորդակցում կարող է առաջանալ ձեր աղիքի տարբեր հատվածների, աղիքի և մեկ այլ օրգանի (օրինակ՝ միզապարկ կամ հեշտոց), ինչպես նաև աղիքի և մաշկի միջև:
Հոդվածը հրապարակվել է՝ 20-02-2021
Վերջին վերանայում՝ 23-04-2024