Գրադարան
Պրոկտիտ. ախտորոշում
1 րոպե
Բժիշկը ձեզ մոտ կարող է կասկածել պրոկտիտի առկայություն՝ ելնելով ձեր նշած գանգատներից և հիվանդության պատմությունից:
Պրոկտիտի ախտորոշման համար օգտագործվող թեստերն ու միջոցառումները ներառում են հետևյալը:
- Արյան թեստեր. սա կարող են հայտնաբերել արյան կորուստը կամ վարակի առկայությունը:
- Կղանքի թեստ. ձեզնից կարող է պահանջվել կղանքի նմուշ հավաքել թեստի համար: Կղանքի թեստը կարող է օգնել պարզելու, թե արդյոք ձեր պրոկտիտը առաջացել է բակտերիալ վարակի հետևանքով:
- Հաստ աղու վերջնամասի էնդոկսոպիկ հետազոտություն. այս հետազոտության ընթացքում (ճկուն սիգմոիդոսկոպիա) ձեր բժիշկը օգտագործում է բարակ, ճկուն, ազատ ծայրին տեսախցիկ և լույս ունեցող խողովակ՝ ձեր հաստ աղիքի վերջին հատվածը (սիգմոիդ), ինչպես նաև ուղիղ աղիքը (ռեկտում) դիտելու համար: Միջոցառման ընթացքում ձեր բժիշկը նաև կարող է լաբորատոր անալիզի համար վերցնել հյուսվածքային փոքր նմուշներ (բիոպսիա):
- Ձեր ամբողջ հաստ աղիքի էնդոկսոպիկ հետազոտություն. այս հետազոտությունը (կոլոնոսկոպիա) թույլ է տալիս ձեր բժշկին դիտել ձեր ամբողջ հաստ աղիքը՝ օգտագործելով բարակ, ճկուն, լուսավորված խողովակ՝ կցված տեսախցիկով: Ձեր բժիշկը կարող է հետազոտության ընթացքում բիոպսիա վերցնել:
- Սեռական ճանապարհով փոխանցվող վարակների թեստեր. այս թեստերը ներառում են ձեր ուղիղ աղիքից կամ միզուկից արտադրության նմուշ վերցնելը: Նմուշն ուղարկվում է լաբորատորիա սեռավարակների հայտնաբերման թեստի համարա:
Հոդվածը տեղադրվել է՝ 20-02-2021 վերանայվել է՝ 10-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
