Պրոկտիտ

Պրոկտիտը կամ վերջնաղիքի (ռեկտում) լորձաթաղանթի բորբոքումն է

Ուղիղ աղիքը մկանային խողովակ է՝ հաստ աղիքի ծայրային հատվածը, որը վերջանում է հետանցքով: Անցնելով ուղիղ աղիքով՝ կղանքն օրգանիզմից հեռացվում է հետանցքով:

Պրոկտիտը կարող է առաջացնել ուղիղաղիքային ցավ, փորլուծություն, արյունահոսություն և արտադրություն, ինչպես նաև զուգարանից օգտվելու մշտական կարիք: Պրոկտիտի ախտանիշները կարող են լինել կարճատև (սուր պրոկտիտ) կամ երկարատև (քրոնիկ պրոկտիտ):

Պրոկտիտը տարածված է այն մարդկանց մոտ, ովքեր ունեն աղիների բորբոքային հիվանդություն (Կրոնի հիվնադություն կամ խոցային կոլիտ): Սեռական ճանապարհով փոխանցվող հիվանդությունները (ՍՃՓՀ) պրոկտիտի առաջացման մեկ այլ հաճախ հանդիպող պատճառներից են: Պրոկտիտ կարող է զարգանալ նաև որպես որոշ քաղցկեղների ճառագայթային բուժման կողմնակի ազդեցություն:

Բժիշկն ախտորոշում է պրոկտիտը՝ ելնելով ձեր գանգատներից և որոշ հետազոտությունների արդյունքներից: Պրոկտիտի բուժումը ներառում է հակաբիոտիկների նշանակում և հիվանդության պատճառի վերացում:

Կան որոշ միջոցներ, որոնք կարող են նվազեցնել ձեզ մոտ պրոկտիտի զարգացման հավանականությունը:

Հոդվածը վերանայվել է՝ 27-04-2021