Skip to main content

Կանխարգելում - Ճառագայթում

Ճառագայթային արտակարգ իրավիճակի դեպքում լսեք ռադիո կամ դիտեք հեռուստացույց, որ տեղեկանաք, թե ինչ նախազգուշական կամ պաշտպանական գործողություններ են առաջարկում տեղական և կենտրոնական իշխանությունները:

Այդ գործողությունները կախված են կոնկրետ իրավիճակից, բայց ձեզ կարող են հորդորել, որ մնացեք տեղում կամ տարհանվեք ձեր բնակության վայրից:

Տեղում ապաստանելը

Եթե իշխանությունները խորհուրդ են տալիս մնալ այնտեղ, որտեղ գտնվում եք, անկախ նրանից՝ տանն եք, աշխատավայրում կամ որևէ այլ տեղ, արեք հետևյալը՝

  • փակեք և կողպեք բոլոր դռներն ու պատուհանները
  • անջատեք օդափոխիչները, օդորակիչները և ջեռուցման սարքերը, որոնք դրսի օդը քաշում են ներս
  • փակեք բուխարի (օջախի) փականները
  • ներս բերեք ձեր տան կենդանիներին
  • տեղափոխեք ամենաներքին սենյակը կամ նկուղը
  • հետևեք ձեր արտակարգ իրավիճակների արձագանքման ցանցին կամ նորություններին
  • մնացեք տեղում առնվազն 24 ժամ:

Էվակուացիա (կազմակերպված տարհանում)

Եթե իշխանությունները խորհուրդ են տալիս էվակուացվել, հետևեք ձեր տեղական իշխանությունների հրահանգներին: Փորձեք պահպանել հանգստություն և գործեք արագ, բայց ոչ՝ հապճեպ: Ձեզ հետ վերցրեք քիչ քանակի ապրանքներ, բայց մի՛ մոռացեք հետևյալ պարագաների մասին՝

  • լապտեր
  • փոքր ռադիոընդունիչ
  • մարտկոցներ
  • առաջին օգնության պայուսակ
  • անհրաժեշտ դեղամիջոցներ
  • փակ վիճակում սնունդ, ինչպիսիք են պահածոները և շշալցված ջուրը
  • պահածոյի բացիչ
  • բանկային քարտեր
  • լրացուցիչ հագուստ:

Հաշվի առեք, որ շտապ օգնության մեքենաների և ապաստարանների մեծ մասը չի ընդունում տնային կենդանիներ: Վերցրեք ձեր տնային կենդանիներին միայն այն դեպքում, եթե վարում եք ձեր սեփական մեքենան և հեռանում եք այլ տեղ, քան հանրային ապաստարան:

Հոդվածը հրապարակվել է՝ 27-02-2024
Վերջին վերանայում՝ 23-04-2024