Skip to main content

Նկարագիր - Ճառագայթում

Ճառագայթային հիվանդությունն օրգանիզմին հասցված վնաս է՝ պատճառված ճառագայթման մեծ դոզաներով, որը հաճախ ստացվում է կարճ ժամանակում:

Սա կոչվում է սուր ճառագայթային հիվանդություն: Օրգանիզմի կողմից կլանված ճառագայթման քանակը, որը կոչվում է կլանված դոզա, կանխորոշում է, թե ինչ չափի ծանրությամբ կընթանա հիվանդությունը:

Ճառագայթային հիվանդությունը նաև կոչվում է սուր ճառագայթային (ռադիացիոն) համախտանիշ կամ ճառագայթային (ռադիացիոն) թունավորում: Ճառագայթային հիվանդությունը պայմանավորված չէ լայնորեն կիրառվող ախտորոշիչ պատկերային հետազոտություններով, որոնք օգտագործում են ցածր դոզավորման ճառագայթում՝ ռենտգեն, համակարգչային տոմոգրաֆիա (ԿՏ) և միջուկային բժշկության սքանավորումներ:

Չնայած ճառագայթային հիվանդությունը ծանր և հաճախ մահացու ելքով վիճակ է, հազվադեպ է հանդիպում: Երկրորդ համաշխարհային պատերազմի ժամանակ Ճապոնիայի Հիրոսիմայի և Նագասակիի ատոմային ռմբակոծությունից ի վեր, ճառագայթային հիվանդության դեպքերի մեծ մասը տեղի է ունեցել միջուկային արդյունաբերական վթարներից հետո, ինչպիսին էր 1986-ի հրդեհը, որը վնասել էր Չեռնոբիլի ատոմակայանը (Ուկրաինա):

Հոդվածը հրապարակվել է՝ 27-02-2024
Վերջին վերանայում՝ 23-04-2024