Սրտի ռևմատիկ ​հիվանդություն

Սրտի ռևմատիկ ​հիվանդություն

Սրտի ռևմատիկ հիվանդությունը զարգանում է որպես ռևմատիկ տենդի բարդություն, երբ ախտահարվում ու վնասվում են սրտի փականները։

Ծանոթացեք նաև այս հոդվածի հետ ուղղակիորեն կապված այլ նյութերի հետ:

Սա ծանր, հաշմանդամության հասցնող, երբեմն՝ մահվան ելքով հիվանդություն է։ Սակայն սրտի ռևմատիկ հիվանդությունընաև լիարժեք կանխարգելելի է։

Ի՞նչ է սրտի ռևմատիկ հիվանդությունը

Սրտի ռևմատիկ հիվանդությունը վերաբերում է սրտի փականների տևական ախտահարմանը, երբ ռևմատիկ տենդի բորբոքումն ընդգրկում է սիրտը (դեպքերի կեսում)։ Այս բորբոքումն առաջացնում է սրտի փականների լայնացում կամ սպիացում։ Երբ սրտի փականները ձևափոխվում են, սրտի ներսում նախասրտերից դեպի փորոքներ արյան հոսքը խանգարվում է։

Ովքե՞ր են սրտի ռևմատիկ հիվանդության նկատմամբ ռիսկի խմբերում

Ձեզ մոտ կարող է զարգանալ սրտի ռևմատիկ հիվանդություն, եթե դուք ունեցել եք ռևմատիկ տենդ։

Ռևմատիկ տենդի նկատմամբ ավելի բարձր ռիսկ ունեն այն մարդիկ, ովքեր ապրում են կենցաղային անբարենպաստ պայմաններում, գերբնակեցված բնակարաններում և ունեն բժշկական օգնության սահմանափակ մատչելիություն։

Սրտի ռևմատիկ հիվանդությունը հակում ունի ավելի հաճախ զարգանալու որոշ ընտանիքներում, ուստի հետազոտողներն ուսումնասիրում են նաև հիվանդության զարգացման մեջ գեների դերը։

Սրտի ռևմատիկ հիվանդության ախտանիշները

Սրտի ռևմատիկ հիվանդությամբ մարդիկ կարող են երկար տարիներ որևէ գանգատ չնշել։ Զարգացող գանգատները և նշանները կախված են սրտի ախտահարման տարբերակից և փականային համակարգի վնասման ծանրության աստիճանից։

Հիվանդության մեղմ ընթացքի դեպքում բժիշկը սթետոսկոպով սրտի շրջանում կարող է լսել սրտի բաբախումին ուղեկցող անսովոր հնչյուններ (կոչվում է սրտի աղմուկ)։

Միջինից մինչև ծանր սրտի ռևմատիկ հիվանդությունը կարող է ուղեկցվել հետևյալ ախտանիշներով՝

Ժամանակի ընթացքում ծանր սրտի ռևմատիկ հիվանդությունը կարող է առաջացնել լուրջ բարդություններ, օրինակ՝

Սրտի ռևմատիկ հիվանդության ախտորոշումը

Ձեզ մոտ սրտի ռևմատիկ հիվանդություն կասկածելիս բժիշկը կարող է նշանակել սրտի սոնոգրաֆիկ հետազոտություն (էխոսրտագրություն), էլեկտրասրտագրություն (ԷՍԳ) և կրծքավանդակի ռենտգեն հետազոտություն, ինչպես նաև արյան տարբեր հետազոտություններ։

Սրտի ռևմատիկ հիվանդության բուժումը

Սրտի ռևմատիկ հիվանդության բուժումն ունի 2 նպատակ՝ սրտի ախտահարմամբ պատճառված ընթացիկ խնդիրների վարում և հետագա ախտահարման և բարդությունների կանխարգելում։

Ձեր ընթացիկ սրտային խնդիրների բուժման մեջ բժիշկը կարող է նշանակել դեղեր, որոնք՝

  • պահպանում են սրտազարկը ավելի նորմալ հաճախականության և ռիթմի սահմաններում (առիթմիայի բուժում)
  • կանխարգելում են սրտային անբավարարությունը՝ նվազեցնելով ձեր մարմնի հեղուկների քանակը
  • կանխարգելում են սրտի խոռոչներում արյան մակարդուկների առաջացումը։

Սրտի ռևմատիկ հիվանդությամբ որոշ մարդկանց կարող է առաջարկվել վիրահատություն (սրտի վնասված փականների վերականգնում կամ արհեստական փականի տեղադրում)։

Սրտի ռևմատիկ հիվանդության հսկողությունը

Եթե դուք ունեք սրտի ռևմատիկ հիվանդություն, բժիշկը կառաջարկի պարբերական այցելություններ և ստուգում, այդ թվում՝ նաև այլ մասնագետների կողմից (սրտաբան, ատամնաբույժ և այլն)։

Հիվանդությունը կարող է ավելի ծանրանալ, եթե տեղի է ունենում ռևմատիկ տենդի կրկնություն։ Նման վիճակը կանխարգելելու համար ձեզ կարող են առաջարկել յուրաքանչյուր 3-4 շաբաթը մեկ Պենիցիլինի կամ պենիցիլինների ներարկում։

Այս երկար ազդեցության հակաբիոտիկային ներարկումները շատ կարևոր են, ուստի երբեք բաց մի՛ թողեք հերթական ներարկումը կամ մի՛ հրաժարվեք դրանցից։

Դուք պետք է առանձնահատուկ խնամքով հետևեք ձեր բերանի խոռոչի և ատամների առողջությանը։ Ատամների կանոնավոր մաքրումը և ատամնաբույժին պարբերաբար այցելությունները նվազեցնում են սրտի վարակների ռիսկը։

Սրտի ռևմատիկ հիվանդության կանխարգելումը

Սրտի ռևմատիկ հիվանդությունը լիարժեք կանխարգելելի է։

Բազմաթիվ դեպքերում ռևմատիկ տենդ ունեցող մարդիկ պենիցիլինի կանոնավոր ներարկումների շնորհիվ կարող են խուսափել սրտի ախտահարումից։

Ռևմատիկ տենդի առաջին անգամ զարգանալու կանխարգելումը նույնպես կարևոր է։ Սա առաջին հերթին նշանակում է ռևմատիկ տենդի պատճառ հանդիսացող ըմպանի վարակների վաղ ախտորոշում և բուժում։

Վարակային ըմպանաբորբի ռիսկը կարելի է նվազեցնել՝ բարելավելով՝

  • կենցաղային և բնակարանային պայմանները
  • դարձնելով սննդակարգն առողջ, որը հարուստ է թարմ մթերքներով
  • օգտագործելով միայն մաքուր և թարմ ջուր
  • պահպանելով անձնական հիգիենան և կանոնավոր կերպով լվանալով ձեռքերը։

Հոդվածը վերանայվել է՝ 16-02-2021