Ռևմատոիդ արթրիտը աուտոիմուն հիվանդություն է։
Սովորաբար, ձեր իմունային համակարգը օգնում է պաշտպանել ձեր օրգանիզմը վարակներից և հիվանդություններից: Ռևմատոիդ արթրիտի դեպքում ձեր իմունային համակարգը հարձակվում է ձեր հոդերի առողջ հյուսվածքների վրա: Այն կարող է նաև առաջացնել ձեր սրտի, թոքերի, նյարդերի, աչքերի և մաշկի հետ կապված խնդիրներ:
Բժիշկները չգիտեն, թե ինչ պատճառով է սկսվում այս գործընթացը, թեև հավանական է գենետիկ բաղադրիչը: Ձեր գեներն իրականում չեն առաջացնում ռևմատոիդ արթրիտ, սակայն դրանք կարող են բարձրացնել արտաքին միջավայրի գործոններին արձագանքելու ձեր հավանականությունը, ինչպիսիք են որոշ վիրուսներով և բակտերիաներով վարակվելը, որոնք կարող են հանդես գալ որպես հիվանդության հրահրիչներ (տրիգերներ):
Ռիսկի գործոններ
Գործոնները, որոնք կարող են մեծացնել ռևմատոիդ արթրիտի ռիսկը, ներառում են հետևյալը:
- Սեռ. կանայք շուրջ 3 անգամ ավելի հավանական է, քան տղամարդիկ, որ ունենան ռևմատոիդ արթրիտ:
- Տարիք. ռևմատոիդ արթրիտը կարող է առաջանալ ցանկացած տարիքում, սակայն առավել հաճախ սկսվում է միջին տարիքում:
- Ընտանեկան պատմություն (անամնեզ). եթե ձեր ընտանիքի անդամներից մեկն ունի ռևմատոիդ արթրիտ, դուք կարող եք հիվանդության ռիսկի բարձրացում ունենալ:
- Ծխելը. ծխախոտ ծխելը մեծացնում է ռևմատոիդ արթրիտի զարգացման ռիսկը, հատկապես, եթե դուք ունեք հիվանդության զարգացման գենետիկ նախատրամադրվածություն: Ծխելը նաև, ըստ երևույթին, կապված է հիվանդության ավելի մեծ ծանր ընթացքի հետ:
- Ավելորդ քաշ. ավելորդ քաշ ունեցող մարդիկ ռևմատոիդ արթրիտով հիվանդանալու ավելի մեծ ռիսկ ունեն:
Հոդվածը հրապարակվել է՝ 31-05-2021
Վերջին վերանայում՝ 23-04-2024