Գրադարան
Ռևմատոիդ արթրիտ. ախտանիշներ
2 րոպե
Ռևմատոիդ արթրիտի գանգատներն ու ախտանիշները կարող են ներառել հետևյալը:
- Ցավոտ, տաք, այտուցված հոդեր
- հոդերի կարկամություն, որը սովորաբար ավելի վատանում է առավոտյան և անգործությունից հետո և, ի տարբերություն օստեոարթրիտների, ավելի երկարատև է (մի քանի ժամ)
- հոգնածություն, ջերմություն և ախորժակի կորուստ:
Վաղ ռևմատոիդ արթրիտը հակված է առաջին հերթին ախտահարել ձեր փոքր հոդերը, հատկապես այն հոդերը, որոնք կապում են ձեր մատները ձեր ձեռքերին և ձեր մատները ձեր ոտքերին:
Հիվանդության զարգացմանը զուգընթաց ախտանիշները հաճախ տարածվում են դաստակների, ծնկների, կոճերի, արմունկների, կոնքերի և ուսերի վրա: Շատ դեպքերում ախտանշանները հայտնվում են ձեր մարմնի երկու կողմերում գտնվող նույն հոդերում:
Ռևմատոիդ արթրիտ ունեցող մարդկանց մոտ 40%-ը նաև ունենում են գանգատներ և ախտանիշներ, որոնք չեն ներառում հոդերը: Այն շրջանները, որոնք ախտահարվել, ներառում են՝
- մաշկ
- աչքեր
- թոքեր
- սիրտ
- երիկամներ
- թքագեղձեր
- նյարդային հյուսվածք
- ոսկրածուծ
- արյունատար անոթներ:
Ռևմատոիդ արթրիտի գանգատները և ախտանիշները կարող են տարբերվել ծանրության աստիճանով և կարող են վատթարանալ ու մեղմանալ: Հիվանդության սրացումների ժամանակաշրջանները, որոնք կոչվում են ախտադարձ (ռեցեդիվ), փոխարինվում են հարաբերական հանգիստ ժամանակաշրջաններով՝ ախտադադարով (ռեմիսիա), երբ այտուցը և ցավը մարում կամ անհետանում են: Ժամանակի ընթացքում ռևմատոիդ արթրիտը կարող է հանգեցնել հոդերի ձևափոխումների (դեֆորմացիաներ)և հոդախախտերի:
Ե՞րբ դիմել բժշկին
Պայմանավորվեք և հանդիպեք ձեր բժշկին, եթե ունեք հոդերի մշտական անհարմարավետություն և այտուցվածություն:
Հոդվածը տեղադրվել է՝ 01-06-2021 վերանայվել է՝ 18-04-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
