Ախտորոշում - Ռևմատոիդ արթրիտ

Ռևմատոիդ արթրիտը դժվար է ախտորոշել վաղ փուլերում, քանի որ վաղ գանգատներն ու ախտանիշները նման են բազմաթիվ այլ հիվանդություններին:

Ախտորոշումը հաստատող արյան մեկ թեստ կամ ֆիզիկական նշան չկա:

Ֆիզիկական քննության (բուժզննման) ընթացքում ձեր բժիշկը կստուգի ձեր հոդերի այտուցը, կարմրությունը և տեղային տաքությունը: Նա նաև կարող է ստուգել ձեր ռեֆլեքսները և մկանային ուժը:

Արյան թեստեր

Ռևմատոիդ արթրիտ ունեցող մարդիկ հաճախ ունենում են էրիթրոցիտների նստման արագության (ESR) բարձր ցուցանիշ կամ C- ռեակտիվ սպիտակուցի (CRP) բարձր մակարդակ, ինչը կարող է ցույց տալ օրգանիզմում բորբոքային գործընթացի առկայությունը: Արյան այլ թեստերը կարող են հայտնաբերել ռևմատոիդ գործոնը (RF) և հակացիկլային ցիտրուլինացված պեպտիդի հակամարմինները (Anti-CCP):

Պատկերային հետազոտություններ

Ձեր բժիշկը կարող է խորհուրդ տալ ռենտգեն հետազոտություններ, որոնք կօգնեն ժամանակի ընթացքում հետևելու ձեր հոդերի ռևմատոիդ արթրիտի զարգացմանը: Մագնիսա-ռեզոնանսային տոմոգրաֆիան (ՄՌՏ) և գերձայնային հետազոտությունը (սոնոգրաֆիա) կարող են օգնել ձեր բժշկին գնահատելու ձեր հիվանդության ծանրության աստիճանը: