Նկարագիր - Ռոզացեա

Ռոզացեան տարածված մաշկային հիվանդություն է, որն առաջացնում է դեմքի արյունալեցում և երկարաժամկետ կարմրություն:

Այն նաև կարող է առաջացնել դեմքի մաշկի մանր և մակերեսային արյունատար անոթների լայնացում և փոքր, թարախով լցված բշտիկներ: Որոշ ախտանիշներ կարող են ի հայտ գալ (բռնկվել) և մնալ շաբաթներ կամ ամիսներ, իսկ հետո որոշ ժամանակով անհետանալ:

Ռոզացեան կարող է շփոթվել ակնեի (պզուկներ), մաշկաբորբի (դերմատիտ) կամ մաշկային այլ խնդիրների հետ:

Ռոզացեան վերջնական բուժում չունի: Սակայն, դուք կարող եք վերահսկել հիվանդությունը դեղորայքի, մաշկի նուրբ խնամքի և հիվանդության սրացումներ (բռնկումներ) առաջացնող գործոններից խուսափելու միջոցով: