Պատճառներ - Մանկական վարդացան

Մանկական ռոզեոլայի կամ վարդացանի հարուցիչը վիրուս է, սովորաբար՝ մարդկային հերպեսի վիրուս 6-ը (HHV-6) կամ երբեմն 7-ը (HHV-7):

Վիրուսը տարածվում է վարակված մարդու թքի հետ շփման միջոցով, օրինակ՝ նույն բաժակից օգտվելիս կամ օդի միջոցով, օրինակ՝ երբ մանկական ռոզեոլայով վարակված մարդը հազում կամ փռշտում է: Վարակվելուց հետո ախտանիշները կարող են զարգանալ 9-10 օր հետո (գաղտնի շրջան):

Ջերմությունը նորմանալանուց 24 ժամ անց մանկական ռոզեոլան այլևս վարակիչ չէ:

Ի տարբերություն ջրծաղիկի և այլ մանկական վիրուսային հիվանդությունների, որոնք արագորեն տարածվում են, ռոզեոլան հազվադեպ է դառնում համայնքային համաճարակի բռնկման պատճառ: Վարակն առավել հաճախ հանդիպում է գարնանը և աշնանը։

Ռիսկի գործոններ

Մանկական ռոզեոլայի ռիսկն ամենաբարձրն է ավելի մեծ նորածինների համար: Այն առավել տարածված է 6-ից 15 ամսական երեխաների շրջանում: Ավելի մեծ նորածինները մանկական ռոզեոլայով վարակվելու ամենաբարձր ռիսկի տակ են, քանի որ դեռ ժամանակ չեն ունեցել բազմաթիվ վիրուսների դեմ սեփական հակամարմիններ արտադրելու համար: Նորածինները պաշտպանված են հղիության ընթացքում մորից ստացված հակամարմիններով, սակայն այս իմունիտետը ժամանակի հետ թուլանում է։