Ախտանիշներ - Սակրոիլեիտ

Սակրոիլեիտի կամ զստասրբանային հոդաբորբի ցավն առավել հաճախ առաջանում է հետույքում (նստատեղ) և գոտկային հատվածում։

Այն նաև կարող է տարածվել դեպի ոտքեր, աճուկներ և նույնիսկ ոտնաթաթեր: Ցավը կարող է մեղմանալ շարժման ընթացքում: Սակայն հետևյալ իրավիճակները կարող են սաստկացնել սակրոիլեիտի ցավը՝

• քնած (պառկած) վիճակը կամ երկար ժամանակ նստած դիրքում մնալը
• երկար ժամանակ կանգնած մնալը
• մի ոտքն ավելի շատ ծանրաբեռնելը, քան մյուսը
• աստիճաններով բարձրանալը
  
• վազելը
• մեծ քայլերով առաջ շարժվելը:

Ե՞րբ դիմել բժշկին

Սակրոիլեիտի ախտորոշումը դժվար է և պահանջում է գոտկային շրջանի և նստատեղի տարբեր հիվանդությունների և վիճակների տարբերակում: Դիմեք ձեր բժշկին, եթե ունեք սակրոիլետի կասկած առաջացնող գանգատներ կամ ախտանիշներ: