Բարդություններ - Սալմոնելլա

Սալմոնելային վարակը սովորաբար կյանքին սպառնացող չէ:

Այնուամենայնիվ, որոշ խմբերում, հատկապես՝ նորածինների և մանկահասակ երեխաների, մեծ տարիքով չափահասների, հղի կանանց, օրգանի փոխպատվաստման միջամտության ենթարկված կամ թուլացած իմունային համակարգով անձանց շրջանում կարող են զարգանալ բարդություններ, որոնք կարող են լինել վտանգավոր:

Ջրազրկում

Եթե չեք կարողանում խմել բավարար քանակի հեղուկներ, որ փոխլրացնեք կայուն փորլուծությամբ պատճառվող հեղուկների կորուստը, դառնում եք ջրազրկված: Ջրազրկման նախազգուշացնող նշաններից են`

• միզարձակման կրճատում (օլիգուրիա)
• բերանի և լեզվի չորություն
• աչքերի ներանկում
• արցունքարտադրման կրճատում

Բակտերեմիա

Եթե սալմոնելային վարակը թափանցում է արյան հուն (բակտերեմիա), կարող է վարակել օրգանիզմի տարբեր հյուսվածքներ, այդ թվում՝

• գլխուղեղը և ողնուղեղը շրջապատող հյուսվածքներ (մենինգիտ)
• սրտի կամ փականների լորձաթաղանթ (էնդոկարդիտ)
• ոսկրեր և ոսկրածուծ (օստեոմիելիտ)
• արյունատար անոթների լորձաթաղանթ, հատկապես, եթե ունեք անոթային ստենտ:

Ռեակտիվ արթրիտ

Սալմոնելա ունեցած մարդկանց շրջանում բարձրանում է ռեակտիվ արթրիտի զարգացման ռիսկը, որը հայտնի է որպես Ռեյտերի համախտանիշ: Տիպիկ դեպքերում ռեակտիվ արթրիտն առաջացնում է՝

• աչքի գրգռում (կոնյուկտիվիտ)
• ցավոտ միզարձակում (դիզուրիա)
• ցավոտ հոդեր (արթրալգիա):