Գրադարան
Սալմոնելոզ (սալմոնելային վարակ)
1 րոպե
Սալմոնելոզը (սալմոնելյոզ) կամ սալմոնելային վարակը տարածված բակտերիալ հիվանդություն է, որն ախտահարում է աղիքային խողովակը:
Ինչպե հուշում է անվանումը, վարակի հարուցիչը Salmonella բակտերիան է, որը տիպիկ դեպքերում ապրում է կենդանիների և մարդկանց աղիներում և արտաքին միջավայր տարածվում կղանքային արտաթորանքներով: Մարդիկ ավելի հաճախ վարակվում են ախտահարված ջրով կամ մթերքներով (հարուցիչն օրգանիզմ ներթափանցում է բերանով):
Հիվանդությունն առավել հաճախ հանդիպում է երեխաների, տարեցների և այն անձանց շրջանում, ում մոտ ցածր է ստամոքսահյութի թթվայնությունը և օրգանիզմի դիմադրողականությունը (իմունիտետը)։
Սալմոնելայով վարակված մարդիկ սովորաբար ախտանիշներ չեն նշում: Այլ դեպքերում 8-ից մինչև 72 ժամվա ընթացքում զարգանում են փորլուծություն, ջերմության բարձրացում և աղիքային կծկանքներ: Առողջ մարդկանց մեծ մասն առանց որևէ առանձնահատուկ բուժման մի քանի օրվա մեջ լավանում են:
Այնուամենայնիվ, սալմոնելոզով պայմանավորված փորլուծությունը կարող է բերել լուրջ ջրազրկման, որը պահանջում է անհետաձգելի բժշկական ուշադրություն: Եթե վարակը տարածվում է աղիներից դուրս, կարող են զարգանալ կյանքին սպառնացող բարդություններ:
Սալմոնելայով վարակվելու ռիսկը բարձրանում է, եթե ճանապարհորդում եք սանիտարահիգիենիկ անբավարար պայմաններ ունեցող որևէ երկիր:
Հոդվածը տեղադրվել է՝ 25-06-2018 վերանայվել է՝ 13-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
