Գրադարան
Սալմոնելոզ․ ախտանիշներ
1 րոպե
Սալմոնելային վարակը սովորաբար առաջանում է հում կամ թերեփ միս, թռչնեղեն, ձու կամ ձվային արտադրանքներ ուտելուց հետո:
Ինկուբացիոն (գաղտնի) շրջանը տատանվում է մի քանի ժամից մինչև 2 օր: Սալմոնելային վարակների մեծ մասը կարելի է դասակարգել որպես «ստամոքսի գրիպ» (գաստրոէնտերիտ):
Հնարավոր գանգատներից և ախտանիշներից են՝
- սրտխառնոց
- փսխումներ
- որովայնային կծկանքներ (սպազմ)
- փորլուծություն
- ջերմություն (տենդ)
- դող և սարսուռ
- գլխացավ
- արյուն կղանքում:
Սալմոնելային վարակի ախտանիշներն ընդհանուր առմամբ տևում են 2-ից մինչև 7 օր: Փորլուծությունը կարող է շարունակվել մինչև 10 օր, թեև աղիների նորմալ գործունեության վերականգնումը կարող է տևել մի քանի ամիս:
Սալմոնելայի բակտերիայի քիչ տեսակներ կարող են առաջացնել տիֆոիդ տենդ, որն ավելի տարածված է զարգացած երկրներում և կարող է ունենալ մահացու ելք:
Հոդվածը տեղադրվել է՝ 19-06-2021 վերանայվել է՝ 13-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
